ក្លឹបប្រដាល់ហាត់បែបសុខភាព ២ធំៗខាតរាប់ម៉ឺនដុល្លារអំឡុងកូវីដនេះ...

2021-05-04 08:56:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបប្រដាល់ហាត់បែបសុខភាព Cambodian Top Team និង Prodal fight & fitness studio ខាតលុយរាប់ម៉ឺនដុល្លារជាពិសេស៣ខែចុងក្រោយនេះដោយសារតែកូវីដ ១៩។

អ្នកហាត់បែបសុខភាពនៅ CTT

លោក ហ៊ុន ចន្ទរាជ្យ គ្រូប្រដាល់ប្រចាំក្លឹប Cambodian Top Team បានឲ្យដឹងថា នេះលោករាប់តែ ២-៣ ខែចុងក្រោយខាតលុយប្រហែលជាង ១ម៉ឺនដុល្លារឯណោះពីការបើកបង្ហាត់សិស្សបែបសុខភាព។ ឥលូវនេះក៏កំពុងតែពិបាកផងដែរចំពោះការចំណាយលើក្លឹប ពីព្រោះក្នុងមួយខែបង់ថ្លៃដី ហូបចុក និងទឹកភ្លើងគិតទៅខ្ទង់៣០០០ដុល្លារឯណោះ។

អ្នកហាត់បែបសុខភាពនៅ CTT

ចំណែកលោក Derek អ្នកគ្រប់គ្រងក្លឹប Prodal fight & fitness studio លើកឡើងដែរថា គិតទៅក្លឹបបិទរហូតមកតាំងពីផ្ទុះកូវីដ ដូច្នេះគ្មានចំណូលនោះទេ ប៉ុន្តែត្រូវចំណាយបង់ប្រាក់លើថ្លៃដីជាប្រចាំ។ បើទោះជាមានការបន្ធូរបន្ថយខ្លះៗពីម្ចាស់ដីក្ដី ប៉ុន្តែក៏នៅតែពិបាកសម្រាប់ពួកលោក ព្រោះក្លឹបនៅបិទគ្មានចំណូល ហើយបើសភាពការណ៍បន្តយូរបែបនេះទៀតរឹតតែពិបាកណាស់ចំពោះក្លឹប។

អ្នកហាត់បែបសុខភាពនៅ Prodal (រូបភាព PFS)

រំលឹកដែរថា មួយរយៈពេលចុងក្រោយ ឬតាំងពីផ្ទុះព្រឹត្តិការណ៍ ២០កុម្ភៈ មកកម្ពុជាបន្តរកឃើញអ្នកកូវីដ ជាច្រើនរហូតដល់ថ្ងៃអ្នកកំពុងសម្រាកព្យាបាលជាង១ម៉ឺននាក់ហើយ។ ដោយឡែកខាងវិស័យកីឡា ឬប្រជាជននៅភ្នំពេញ ក្នុងតាខ្មៅត្រូវបានបិទខ្ទប់ជិត១ខែផងដែរ៕

អត្ថបទ៖ នួន ស៊ីណា