១ទៀតហើយស៊េរីត្រដាងស្លាបដូចឥន្ទ្រី! វណ្ណ ម៉ូនិច ទទួលកាដូសម្រាប់កូនទី២នេះ ធ្ងន់ខ្លាំងតែម្ដង

2021-05-05 04:38:44
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតតារាសម្ដែង ត្រូវស្វាមី ធ្វើឲ្យភ្ញាក់ផ្អើលដោយជូនកាដូដ៏រថយន្តប្រណិត និងទំនើបបំផុតមួយគ្រឿង ស៊េរីត្រដាងស្លាបដូចសត្វឥន្ទ្រី ធ្វើឲ្យប្រិយមិត្តពោលសរសើរសំណាងនាងគ្រប់គ្នា។

នេះជាកាដូ ម៉ូនិច ទទួលស្វាមី សម្រាប់ទទួលសមាជិកថ្មីរបស់ពួកគេ។ អតីតតារាសម្ដែងបានបង្ហាញពីភាពរីករាយ បញ្ចេញរឿងនេះប្រាប់មិត្តភ័ក្ដិនៅលើ IG របស់នាង។ នាងបានសរសេរថា "កាដូរទីពីរបស់ប៉ាៗអោយម៉ាម់មីសម្រាប់ចំណងដៃកូនទី២ កូនប្រុស ហុង មីង ក្នុងពោះជិត ៣១អាទិត្យ មិនត្រឹមតែអោយកាដូទេ ថតរូបអោយទៀត ម៉េចដែស្នាដៃរបស់ប៉ាៗ…!”។

វណ្ណ ម៉ូនិច្ច បានបន្សាត់ខ្លួនចេញពីសិល្បៈច្រើនឆ្នាំមកហើយ ក្រោយពីបានបង្ហាញខ្លួនក្នុងខ្សែភាពយន្តភាគសម្រាប់ទូរទស្សន៍មួយរឿងមានចំណងជើងថា "ផ្ការីកក្នុងចិត្ត" កាលពីអំឡុងឆ្នាំ ២០១៣-២០១៤។ ក្រោយពីផ្ដើមមានគេស្គាល់ ម៉ូនិច មិនបន្តសិល្បៈ ប៉ុន្តែបានដកថយបន្តិចម្ដងរហូតមកដល់សព្វថ្ងៃ។

មិនមានមូលហេតុជាក់លាក់ពីករណីនេះទេ ប៉ុន្តែគេដឹងថា បច្ចុប្បន្ន តារាស្រីធ្មេញចំពឹសរូបនេះ មានស្វាមីទៅហើយ ហើយស្វាមីរបស់នាង ជាអ្នកជំនួញវ័យក្មេងមួយរូប។ នាងត្រូវបានស្វាមី ផ្គត់ផ្គង់ឲ្យរស់នៅស្រួល ទោះមិនបាច់ហត់នឿយក្នុងការងារសិល្បៈបន្តទៀត។ ក្នុងវេលារួមរស់ជាមួយគ្នា ដោយមិនមានដំណឹងរៀបការ ម៉ូនិច ទទួលបានចំណងដៃកូនប្រុសដ៏ស្រស់ស្អាតមួយរូបដែលពេលនេះមានវ័យជាង ២ឆ្នាំហើយ។

បន្ថែមពីលើនេះ នាងក៏បាន និងកំពុងពពោះតំណក់ឈាមទី២របស់ស្វាមី ដែលត្រៀមនឹងសម្រាលប្រមាណ ២ខែទៀត។ ដូច្នេះហើយ ដើម្បីអបអរដល់សមាជិកថ្មី និងលើកទឹកចិត្តភរិយា ស្វាមី បានទិញរថយន្តដ៏ប្រណិតមួយគ្រឿងនេះ។ ម៉ូនិច ថ្លែងឲ្យដឹងថា នេះជាសេចក្ដីរបស់ក្រុមគ្រួសារ ដែលគ្មាននរណាផ្សេងក្រៅពីខ្លួនឯងផ្ដល់ជូនគ្នាទៅវិញទៅមក។

ម៉ូនិច ថ្លែងថា ៖ "សេចក្ដីសុខសុភមង្គលយេីងត្រូវបង្កេីតវាដោយខ្លួនឯង គ្មានអ្នកណាមកអោយយេីងនោះទេ ធ្វេីបុណ្យសប្បុរសធម៌ជួយសង្គមខ្លះ ដេីរលេងខ្លះ សំភារៈនិយមខ្លះ នេះជាក្ដីសុខយ៉ាងពេញលេញដែលគ្រួសារខ្ញុំតែងតែមាន”៕

តោះ ទស្សនារូបរាងរថយន្តដ៏ប្រណិតជាអំណោយដែល ម៉ូនិច ទទួលពីស្វាមីនៅថ្ងៃនេះទាំងអស់គ្នា!