ខឹងខ្លាំង Zidane មុខក្រញ៉ូវដើរចូលទីលាន និយាយជាមួយអាជ្ញាកណ្ដាលរឿងនេះ

2021-05-10 01:40:51
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Zidane អ្នកចាត់ការក្រុម Real Madrid បានអះអាងថាថាលោកពិតជាខឹងខ្លាំងណាស់ចំពោះការសម្រេចចិត្តរបស់អាជ្ញាកណ្ដាលកាលពីយប់មិញនេះ។

ក្រុម Real Madrid លេងបានត្រឹមស្មើជាមួយក្រុម Sevilla ក្នុងលទ្ធផល ២-២ ប៉ុណ្ណោះសម្រាប់ការប្រកួតពានរង្វាន់ La Liga សប្ដាហ៍ទី៣៥។ ក្នុងការប្រកួតនេះដែរ អាជ្ញាកណ្ដាលបានផ្ដល់ប៉េណាល់ទីឱ្យទៅ Sevilla ចំពោះបាល់ប៉ះដៃរបស់ Militao ក្នុងប្រអប់គ្រោះថ្នាក់។ ខណៈដែលខាង Sevilla វិញ ក៏ត្រូវបានគេមើលឃើញថាកីឡាករ Joan Jordan ដៃប៉ះបាល់ក្នុងប្រអប់គ្រោះថ្នាក់ដូចគ្នា។

ចំពោះរឿងនេះដែរ លោក Zidane បានដើរចូលទៅទីលានដើម្បីនិយាយជាមួយអាជ្ញាកណ្ដាល។ បុរសសញ្ជាតិបារាំងដែលមិនសូវខ្វល់ចំពោះអាជ្ញាកណ្ដាលនោះបានអះអាងថា៖ “ខ្ញុំពិតជាខឹងខ្លាំងណាស់ ពួកគេត្រូវការពន្យល់ដល់ខ្ញុំចំពោះច្បាប់បាល់ប៉ះដៃនេះ។ វាច្បាស់ណាស់ មិនអាចកែប្រែលទ្ធផលបានទេ ប៉ុន្តែខ្ញុំសន្យាថានឹងតស៊ូរហូតដល់ទីបញ្ចប់។ យើងគួរតែទទួលបានច្រើនជាងនេះពីការប្រកួត។ យើងសមនឹឈ្នះ ប៉ុន្តែនិយាយពីវាពេលនេះ ក៏គ្មានអ្វីអាចផ្លាស់ប្ដូរបានដែរ”៕

ប្រភព៖ Dailymail អត្ថបទ៖ ប្រុស យុទ្ធ