វណ្ណថង និង ម៉ឺន មេឃា សម្លឹងឃើញលុយធំបណ្ដើរៗហើយ

2021-05-10 02:58:49
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់វ័យក្មេង ឈិត សេរីវណ្ណថង និង ម៉ឺន មេឃា បានឡើងទៅវគ្គពាក់កណ្ដាលផ្ដាច់ព្រ័ត្រខ្សែក្រវាត់គោជល់ហើយបើទោះជានៅសល់១ប្រកួតក៏ដោយ។

មេឃា (ក្រហម) រូបភាពផ្ដល់ជូន

ដូចទៅនិងអ្នកទស្សនាគុនខ្មែរបានដឹងហើយថា កាលពីថ្ងៃសៅរ៍ ទី៨ ឧសភា ២០២១ នេះ ឈិត សេរីវណ្ណថង បានយកឈ្នះ សូត្រ វាសនា ដោយពិន្ទុបន្ទាប់ពីប្រកួតចប់៥ទឹក។ ៣ពិន្ទុបន្ថែមនេះធ្វើឲ្យ វណ្ណថង បានកក់កៅអីទៅវគ្គពាក់កណ្ដាលផ្ដាច់ព្រ័ត្រហើយព្រោះមាន៦ពិន្ទុពេញ ខណៈកីឡាករ២រូបក្នុងពូល A ឡុង ជិន សូត្រ វាសាន ២ប្រកួតបានត្រឹម ២ពិន្ទុ ដូច្នេះប្រកួតចុងក្រោយឈ្នះ ឬចាញ់គឺបង្គ្រប់កិច្ចប៉ុណ្ណោះ។

មេឃា (ក្រហម) រូបភាពផ្ដល់ជូន

ចំណែក ម៉ឺន មេឃា វិញក៏ដូចទៅនិង វណ្ណថង ផងដែរ ពោល២ប្រកួតឈ្នះទាំង២ ដោយលើកទី១ ឈ្នះ សូត្រ វាសនា និងទី២ កាលពីថ្ងៃសៅរ៍ ៨ ឧសភា ឈ្នះ ឡុង ជិន។ កូនប្រុសលោក អេ ភូថង រូបនេះមាន៦ពិន្ទុបានឡើងទៅវគ្គពាក់កណ្ដាលផ្ដាច់ព្រ័ត្រផងដែរ ទោះជា១ប្រកួតចុងក្រោយចាញ់ក៏នៅតែឡើង ព្រោះ ឡុង ជិន សូត្រ វាសនា ទោះម្នាក់ណាឈ្នះគឺបានត្រឹម៥ពិន្ទុប៉ុណ្ណោះមិនអាចឡើងបានទេ។

ការឈានទៅវគ្គបន្តទៀត ឬវគ្គពាក់កណ្ដាលផ្ដាច់ព្រ័ត្រនេះគឺកៀកនិងវគ្គសំខាន់ក៏ដូចជាលុយធំ ព្រោះបើអាចបន្តដល់ផ្ដាច់ព្រ័ត្រទោះជាចាញ់ឈ្នះទទួលបានប្រាក់រង្វាន់ច្រើនគួរសមផងដែរ។

វណ្ណថង (ខៀវ) រូបភាពផ្ដល់ជូន

រំលឹកដែរថា វណ្ណថង និង ម៉ឺន មេឃា កំពុងលេងខ្សែក្រវាត់គោជល់ ប្រភេទទម្ងន់ ៦០គីឡូក្រាម ស្ថិតក្នុងពូល A របស់សង្វៀន CNC។ បច្ចុប្បន្នពួកគេមាន៦ពិន្ទុក្នុងដៃដូចគ្នាបន្ទាប់ពី២ប្រកួតឈ្នះទាំង២ ចំណែក ឡុង ជិន សូត្រ វាសនា ទើបតែមាន២ពិន្ទុព្រោះចាញ់ទាំង២ប្រកួត៕

វីដេអូប្រកួត៖