លោក ពេជ្រ សុផាន់ ឯម សុធី ប្រឹងហាត់៣ខែទៀតអាចទៅសងសឹកអ្នកឈ្នះពីមុនបានហើយ

2021-05-13 08:15:46
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូប្រដាល់ល្បីឈ្មោះ ពេជ្រ សុផាន់ ថាកីឡាករ ឯម សុធី បន្តប្រឹងហ្វឹកហាត់យ៉ាងយូរ៣ខែទៀត សមត្ថភាពឡើងខ្លាំង និងអាចទៅសងសឹកជើងខ្លាំងដែលធ្លាប់ឈ្នះគេពីមុនៗបានហើយ។

ឯម សុធី និងលោក ពេជ្រ សុផាន់

គ្រូប្រដាល់ប្រចាំក្លឹបគុនខ្មែរចលនាយុវជនកម្ពុជា ១៥៧ បានឲ្យដឹងថា ក្រោយហ្វឹកហាត់រយៈពេលប្រហែល ៤-៥ខែមកនេះឃើញថា ឯម សុធី ពិតជារីកចម្រើនឲ្យកត់សម្គាល់។ ឡើងប្រកួតមិនទាន់ចាញ់នោះឡើយ ខណៈការវ៉ៃចេញច្បាស់ៗ និងចេះបិទការពារ ឬគេចបានល្អផងដែរ។

ឯម សុធី ខាងស្ដាំគេបង្អស់

លោក ពេជ្រ សុផាន់ លើកឡើងទៀតថា មិនយូរទេប្រសិនបើ ឯម សុធី បន្តខំប្រឹងស្ដាប់ដំបូន្មាន ហាត់តាមក្បាច់ក្បួនដែលលោកបានប្រាប់នោះជឿជាក់ថាសមត្ថភាពរឹតតែល្អ។ ការល្អនេះទៀតអាចនិយាយបានថាទៅសងសឹកជើងខ្លាំងដូចជា ប៊ុន សុធា ឬអ្នកធ្លាប់ឈ្នះគេពីមុនៗបានទៀតផង។

កីឡាករ ឯម សុធី

រំលឹកដែរថា ឯម សុធី បច្ចុប្បន្ននេះកំពុងសុំហ្វឹកហាត់ពង្រឹងសមត្ថភាពជាមួយលោក ពេជ្រ សុផាន់ ដែលអតីតជើងខ្លាំងគុនខ្មែរពីមុនមក និងជាគ្រូប្រចាំក្លឹបគុនខ្មែរចលនាយុវជនកម្ពុជា ១៥៧៕

អត្ថបទ៖ នួន ស៊ីណា