ទស្សនា Kubo ទាញទាត់ស្អាតណាស់ ជួយ Getafe គេចផុតពីតំបន់កាត់ចោលរដូវកាលនេះ
- 2021-05-17 04:31:20
- ចំនួនមតិ 0 | ចំនួនចែករំលែក 0
ទស្សនា Kubo ទាញទាត់ស្អាតណាស់ ជួយ Getafe គេចផុតពីតំបន់កាត់ចោលរដូវកាលនេះ
ចន្លោះមិនឃើញ
ខ្សែបម្រើប្រយុទ្ធ Takefusa Kubo រកបានមួយគ្រាប់ចុងម៉ោងជួយ Getafe យកឈ្នះ Levante ២-១ រកបានកន្លែងសុវត្ថិភាពគេចផុតពីតំបន់គេកាត់ចោលនៅរដូវកាលនេះ។
គ្រាប់បាល់របស់កីឡាករសញ្ជាតិជប៉ុនធ្វើបាននៅនាទី៨៥ ដោយការទាញទាត់យ៉ាងស្អាត ក្រោយអ្នកចាំទីរបស់ Levante សាងកំហុសទាត់បាល់ផ្ដាច់។ Carles Alena ជាអ្នកទាត់ចូលគ្រាប់ដំបូងឲ្យ Getafe មុនពេល Melero រកគ្រាប់តាមស្មើឲ្យ Levante។
បញ្ចប់៩០នាទី Getafe ទទួលបាន៣ពិន្ទុបន្តឈរលេខ១៦ក្នុងតារាង La Liga និងគេចផុតពីការប្រជែងនៅតំបន់កាត់ចោលនារដូវកាលនេះ។ La Liga នៅសល់តែមួយប្រកួតទៀតទេនឹងបញ្ចប់លីគ ទោះបី Getafe ចាញ់នៅណាត់ប្រកួតចុងក្រោយ ក៏ពួកគេនៅតែមានសុវត្ថិភាពអាចបន្តលេងនៅលីគកំពូលរដូវកាលក្រោយ៕