ក្រោយ Jungkook ទម្លាយក្ដីទុក្ខដែលខំលាក់រាប់ឆ្នាំ អ្នកគាំទ្ររាប់លានសម្ដែងការលួងលោមពេញទំហឹង

2021-05-18 01:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកណាក៏ដឹងដែរថា Jungkook គឺជាតារាប្រុសដែលកម្រទម្លាយអារម្មណ៍ពិតបែប Sad ទៅកាន់អ្នកគាំទ្រណាស់ ប៉ុន្តែក៏នៅមានពេលដែលលោកធ្លោយមាត់និយាយចេញដោយមិនបានព្រាងដែរ។

ដោយឡែកសារមន្ទីរ HYBE INSIGHT បានបង្ហាញវីដេអូជាច្រើន ដាក់សម្រាប់ឲ្យអ្នកគាំទ្រដែលមានបំណងចង់ទស្សនាបានឃើញពីអ្វីគ្រប់យ៉ាងទាក់ទងនឹង BTS ដូចជាសកម្មភាពហាត់រាំ បទសម្ភាសនានាជាដើម។

ពេលឃើញដល់វីដេអូមួយ អ្នកគាំទ្រមិនតិចទេបាននាំគ្នាអាណិតខ្លោចចិត្តចំពោះ Jungkook ក្រោយស្ដាប់ឮ និងបានឃើញពិតនូវអ្វីដែលលោកបានទម្លាយចេញកើតចេញពីភាពលំបាក ក្នុងនាមជាតារាម្នាក់។

ក្នុងវីដេអូ Jungkook និយាយថា៖ «មិនថាខ្ញុំឆ្លងកាត់ពេលលំបាកលំបិនខ្លាំងកម្រិតណា ហើយទោះខ្ញុំអស់កម្លាំងស្ទើរស្លាប់យ៉ាងណា ក៏គ្មានអ្នកណាអាចលួងលោម មើលថែខ្ញុំបានភ្លាមៗដែរ»។

ក្រោយមានអ្នកបង្ហោះវីដេអូថតបាននោះភ្លាម អ្នកប្រើប្រាស់បណ្ដាញសង្គមជាច្រើន បានស្រាក់ដៃគ្នាផ្ដើមលើកការគាំទ្រយ៉ាងពេញទំហឹងដល់តារាប្រុសរូបនេះ ជាមួយនឹងឃ្លាថា «LEAN ON US JUNGKOOK», «YOU ARE PERFECT JUNGKOOK» និង «WE LOVE YOU JUNGKOOK» រហូតឃ្លាទាំងនេះបង្ហោះល្បីព្រាតពេញបណ្ដាញសង្គម។

គ្រប់គ្នាបានបង្ហាញការព្រួយបារម្ភចំពោះលោក និងបន្ថែមការលើកកម្លាំងចិត្តថែមមួយកម្រិត ព្រោះកន្លងមកត្បិតពួកគេដឹងថា Jungkook ទទួលបានក្ដីស្រឡាញ់ច្រើនពីមនុស្សទូទាំងពិភពលោក ប៉ុន្តែពួកគេក៏មិនអាចស្មានត្រូវពីទំហំនូវភាពលំបាកដែល Idol របស់ពួកគេម្នាក់នេះរែកពន់មានទម្ងន់ធ្ងន់យ៉ាងណាដែរ៕

ប្រភព៖ Koreaboo ប្រែសម្រួល៖ យី សុធារី