តាមពិត ភាពផ្អែមល្ហែម និងស្និទ្ធស្នាលរវាង ណាខុន និងអ្នកមេម៉ាយកូន១ ដែលយើងទើបឃើញនេះ គឺមានយូរហើយ!

2021-05-20 03:08:25
ចំនួនមតិ 0 | ចំនួនចែករំលែក 0

ចន្លោះមិនឃើញ

បង្ហាញភាពផ្អែមល្ហែម និងស្និទ្ធស្នាលជាមួយអ្នកមេម៉ាយកូនមានទ្រព្យស្ដុកស្ដម្ភមិនបានប៉ុន្មានផង ស្រាប់តែនៅមុននេះតារាសម្ដែងរូបសង្ហា ណាខុន បង្ហើបថា ការចាប់ដៃគ្នាក្នុងភាពជាប្ដី-ប្រពន្ធ មានរយៈពេល២ឆ្នាំហើយ។ ទន្ទឹមគ្នាថាលោកក៏បានសន្យាថានឹងមើលថែប្រពន្ធ និងកូនជារៀងរហូតទៀតផង។

តារាសម្ដែងរូបនេះបានបង្ហោះសារដ៏ផ្អែមល្ហែមភ្ជាប់ជាមួយរូបថតភ្ជាប់ពាក្យមួយសន្លឹកនៅលើបណ្ដាញសង្គមInstagram នៅមុននេះថា ថ្ងៃនេះជាថ្ងៃគម្រប់ខួប២ឆ្នាំរបស់លោកដែលបានចាប់ដៃគ្នារស់នៅជាប្ដីជាប្រពន្ធ៖"បងសន្យាថានឹងមើលថែអូន និងកូនជារៀងរហូត សូមឲ្យគ្រួសាររបស់ខ្ញុំជួបតែសុភមង្គល ជួបតែរឿងល្អៗ និងមានសេចក្ដីសុខជារៀងរហូត"។

បន្ទាប់ពីលាក់បាំងអស់រយៈពេលជាយូរពីទំនាក់ទំនងស្នេហារបស់ខ្លួន ជាមួយអ្នកមេម៉ាយកូន១ ដែលមុខជំនួញច្រើននៅក្នុងដៃ លោកណាខុន បានសម្រេចចិត្ដធ្វើពិធីភ្ជាប់ពាក្យតូចមួយកាលពីដើមខែមករា ឆ្នាំ២០២១។ ចាប់តាំងពីពេលនោះមករូបលោក និងភរិយា បានបង្ហាញភាពផ្អែមល្ហែម និងកាន់តែស្និទ្ធស្នាលនៅលើបណ្ដាញសង្គម៕

អត្ថបទ៖ ជិន សុភ័ក្ដ្រ