ល្អមើលទៀតហើយ! បឺត សង្ឃឹម អាចនឹងជួប ប៊ុន សុធា ជាថ្មីអាទិត្យនេះ

2021-05-26 02:55:43
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរល្បីឈ្មោះ២រូបគឺ បឺត សង្ឃឹម និង ប៊ុន សុធា អាចនឹងប៉ះគ្នាជាលើកទី២ នៅថ្ងៃអាទិត្យនេះក្នុងកម្មវិធីម៉ារ៉ាតុងដណ្ដើមប្រាក់លានលើសង្វៀន TOWN។

បេក្ខភាពទាំង៤ (រូបភាព Town Sport)

នេះបើតាមការបង្ហោះផ្សព្វផ្សាយលើផេក Town Sport គឺបានបញ្ជក់ហើយពីបេក្ខភាព ៤នាក់នោះរួមមាន បឺត សង្ឃឹម ប៊ុន សុធា អ៊ូច ធារិទ្ធ និង បាង កាយ៉ាក ហើយពួកគេនឹងត្រូវចាប់ឆ្នោតសិនថានរណាប៉ះនរណាដើម្បីប្រកួតជុំទី១។

ប្រសិនបើចាប់ឆ្នោតជួបគ្នាជុំទី១ មានន័យថាពួកគេត្រូវប៉ះគ្នាហើយ និងទម្លាក់ម្នាក់ដើម្បីបានឡើងវគ្គផ្ដាច់ព្រ័ត្រ ប៉ុន្តែបើចាប់ទៅមិនជួបគ្នាផ្សេងនៅជុំទី១ទេគឺនៅចាំអ៊ុតបន្តថាអាចឡើងប៉ះគ្នា ឬអត់។

ប៊ុន សុធា ប្រកួតកន្លងទៅ

ងាកទៅអតីតកាលដែល បឺត សង្ឃឹម ប៉ះ ប៊ុន សុធា បន្តិចកាលនោះចាញ់ឈ្នះពិន្ទុប្រផឹតប្រផើយ ខណៈកូនសិស្សលោក ធន់ សុភា រូបនេះហាក់មិនអស់ចិត្តសោះឡើយវគ្គផ្ដាច់ព្រ័ត្រខ្សែក្រវាត់នៅ CNC។ យ៉ាងណាការប៉ះគ្នាជាថ្មីនេះចាត់ទុកជាការសងសឹកផង ម្នាក់ៗសុទ្ធតែចង់បានកេរ្តិ៍ឈ្មោះរៀងខ្លួន។

កម្មវិធីប្រកួតម៉ារ៉ាតុងដណ្ដើមប្រាក់លានលើសង្វៀន Town ថ្ងៃអាទិត្យនេះនឹងធ្វើឡើងវេលាម៉ោង ៤រៀលតទៅ៕

អត្ថបទ៖ នួន ស៊ីណា