Suarez បង្ហាញអារម្មណ៍ ក្រោយឮថា Barcelona យក Aguero រួមក្រុម

2021-05-27 07:54:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Luis Suarez ក៏បានបង្ហាញចំណាប់អារម្មណ៍របស់ខ្លួន នៅពេលបានដឹងថាក្រុម FC Barcelona ជិតចុះកុងត្រាយកកីឡាករ Aguero Aguero មករួមក្រុមនៅរដូវកាលថ្មីខាងមុខនេះផងដែរ។

Aguero វ័យ៣២ឆ្នាំអស់កុងត្រាជាមួយក្រុម Man City ហើយ នឹងមានដំណឹងថារូបគេនឹងទៅចូលរួមជាមួយក្រុម FC Barcelona ថែមទៀតផង។ ការណ៍នេះ បានធ្វើឱ្យអ្នកគាំទ្រចាប់អារម្មណ៍ថា ជារឿងចម្លែកមួយដែលក្រុម Barcelona បានដក Suarez ចេញកាលពីរដូវកាលមុននោះក្រោមហេតុផលចាស់ពេក ប៉ុន្តែពេលនេះបែរជាទៅយកកីឡាករមានវ័យប្រហែលជាមួយកីឡាករអ៊ុយរុយហ្គាយមករួមក្រុមទៅវិញ។

ដោយឡែករឿងនេះដែរ សាមីខ្លួន Suarez ដែលធ្លាប់ត្រូវលោក Koeman មើលស្រាលថាអាយុច្រើន លេងមិនដល់កម្រិតនោះ បាននិយាយដែរថា៖ “ឥឡូវនេះ ពួកគេមានថ្នាក់ដឹកនាំថ្មី មនុស្សថ្មី ហើយពួកគេស្វែងរកកីឡាករមានគុណភាព។ គាត់មានទំនាក់ទំនងល្អជាមួយ Messi ។ ខ្ញុំគាំទ្រចំពោះការសម្រេចចិត្តរបស់ពួកគេ”៕

ប្រភព៖ Metro អត្ថបទ៖ វិធាវី