អីយ៉ាសា្ងត់ៗ រិន សារ័ត្ន ចុះកុងត្រាវ៉ៃ MMA នៅប្រទេសឥណ្ឌា

2021-06-11 03:14:15
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរ និងគុនចម្រុះ រិន សារ័ត្ន បានចុះកុងត្រាជាមួយកម្មវិធី S O W ដើម្បីទៅចូលរួមប្រកួត MMA នៅឯប្រទេសឥណ្ឌា អំឡុងខែតុលា ឆ្នាំ២០២១ ខាងមុខនេះរួចរាល់ហើយ។

កីឡាករ រិន សារ័ត្ន

លោក ហ៊ុន ចន្ទរាជ្យ បានគ្រូបង្វឹករបស់ សារ័ត្ន បានឲ្យដឹងថាកូនសិស្សរបស់លោកនឹងវិលចូលសង្វៀន MMA នៅខែតុលា ប៉ុន្មានខែខាងមុខនេះនៅឯប្រទេសឥណ្ឌា។ ចំពោះការចរចា និងកុងត្រាក៏ធ្វើរួចរាល់ដែរ។

គ្រូប្រចាំក្លឹប Cambodia Top Team ខាងលើនេះបន្ថែមទៀតថា ចំពោះតម្លៃខ្លួនវិញគឺប្រហាក់ប្រហែលនិងសង្វៀន ONE ។ ដូច្នេះហើយ សារ័ត្ន នឹងចាប់ផ្ដើមហ្វឹកហាត់ជាបណ្ដើរៗ។ បុរសខ្មែរ-អាមេរិក រូបនេះមានការសប្បាយចិត្តជាខ្លាំងដែលកម្មវិធីប្រកួតនៅឥណ្ឌាខាងលើបានស្គាល់កីឡាករកម្ពុជាក៏ដូចជាក្លឹប Cambodia Top Team។

លោក ហ៊ុន ចន្ទរាជ្យ

រំលឹកដែរថា កីឡាករ រិន សារ័ត្ន ជាអតីតអ្នកប្រដាល់ល្បីឈ្មោះលើវិស័យប្រដាល់គុនចម្រុះ MMA មួយរូបពីមុន។ ដោយសារកូវីដ ១៩ លើសកលលោកធ្វើឲ្យកីឡាកររូបនេះបានត្រឹមប្រកួតគុនខ្មែរតាមសង្វៀននានាប៉ុណ្ណោះបច្ចុប្បន្ន៕

អត្ថបទ៖ នួន ស៊ីណា