ប៊ុន សុធា លេងសុទ្ធតែក្បាច់ឃ្លេផ្ដួលដៃគូ យកប្រាក់លាននៅ Mas Fight

2021-06-14 02:35:35
ចំនួនមតិ 0 | ចំនួនចែករំលែក 0

ចន្លោះមិនឃើញ

សិស្សគុនសមាគមក្រសួងការពារជាតិ ប៊ុន សុធា ម្សិលមិញនេះផ្ដួល គង់ ហូវ ដោយក្បាច់ពិសេសឃ្លេកយកប្រាក់រង្វាន់នៅសង្វៀន Mas Fight របស់ TOWN។

សុធា ពេលកំពុងឃ្លេ

ការប្រកួត Mas Fight ម្សិលមិញនេះរវាង ប៊ុន សុធា និង គង់ ហូវ ធ្វើឡើងបានប្រហែល៦នាទីប៉ុណ្ណោះក៏មានម្នាក់សន្លប់ដោយសារក្បាច់ឃ្លេ។ ដូចទៅនិងអ្នកគាំទ្របានដឹងហើយមុនការប្រកួតគឺមានការឌឺដងគ្នាផងដែរ ហេតុនេះគ្រាន់តែគោះជួងគឺអ្នកទាំងពីរបើកការប្រយុទ្ធគ្នាខ្លាំងតែម្ដង។

ប៊ុន សុធា

គេឃើញថាកីឡាករ គង់ ហូវ ហាក់អស់ស៊ុហ្វខ្លាំង ធ្វើឲ្យ ប៊ុន សុធា បានឱកាសដើម្បីដើរបុកវ៉ៃផ្ដាច់ យ៉ាងណាក្បាច់ដែរគេអាចផ្ដួលដៃគូយកប្រាក់រង្វាន់ Mas Fight គឺដោយឃ្លេករហូតរហូតគោះដៃសុំចុះចាញ់។ រំលឹកដែរថា ម្សិលមិញនេះកីឡាករ ប៊ុន សុធា ផ្ដួល គង់ ហូវ ឲ្យសន្លប់ដោយក្បាច់ឃ្លេកទទួលបានប្រាក់រង្វាន់ Mas Fight ១ ៦០០ ០០០រៀលបន្ថែម៕

វីដេអូប្រកួត៖

អត្ថបទ៖ នួន ស៊ីណា