សត្វតោសក់ស្រម៉ូវមួយក្បាល ហាក់មានសភាពទ្រុឌទ្រោម សុខភាពចុះខ្សោយ បង្ហាញកាយវិការយ៉ាងអស់សង្ឃឹម រីឯសត្វផ្សេងទៀតកំពុងរស់នៅក្នុងទ្រង់តូចៗចង្អៀត បង្ហាញទឹកមុខក្រៀមក្រំស្រងូតស្រងាត់ ហាក់បង្ហាញពីជីវិតដែលគ្មានសេរីភាព និងតានតឹងខ្លាំង ។ នេះបើតាមរូបភាពមួយចំនួនបង្ហោះនៅលើគណនីហ្វេសប៊ុកមួយឈ្មោះ Savra Norng ។

តាមរយៈគណនីហ្វេសប៊ុកខាងលើបានបង្ហោះ និងអមដោយទិដ្ឋភាពសត្វព្រៃមួយចំនួនកំពុងរស់នៅក្នុងទ្រង់យ៉ាងលំបាកថា៖ «This lion and others animal are​ in very bad condition but no one speak out for them it’s at Kompot zoo ជ្រោះតាដា pls Help to share and helping them getting out from this hell» ។ មានន័យថា «តោ និងសត្វដ៏ទែទៀតកំពុងរស់នៅក្នុងស្ថានភាពដ៏លំបាក ប៉ុន្តែគ្មាននរណាម្នាក់និយាយពីរឿងនេះទេ ពួកគេកំពុងរស់នៅសួនសត្វជ្រោះតាដា សូមជួយចែករំលែក និងជួយពួកគេឱ្យបានចេញពីឋាននរកនេះផង» ។

​យ៉ាងណាជុំវិញបញ្ហានេះ មិនទាន់មានការបកស្រាយ ឬ ការបញ្ជាក់ពីសំណាក់អង្គការពាក់ព័ន្ធ និងអាជ្ញាធរនៅឡើយទេ ។ សង្ឃឹមថា នឹងមានការដោះស្រាយដ៏សមប្រកបណាមួយចំពោះជីវិតសត្វព្រៃទាំងអស់នេះផង ៕