គ្រូ ម៉ន សាម៉េត ហួសចិត្តប្រាក់រង្វាន់លេខ១ បាន១ម៉ឺនដុល្លារ លេខ២ បាន១ពាន់...

2021-07-05 01:14:56
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ជួន សំណាង គ្រូប្រដាល់របស់ ម៉ន សាម៉េត លើកឡើងតាមហ្វេសបុកហួសចិត្តនិងប្រាក់រង្វាន់វគ្គផ្ដាច់ព្រ័ត្រ King of fighter អេ អាំម៉ារីនភូថង អ្នកលេខ១ បានដល់១ម៉ឺនដុល្លារឯចំណាត់ថ្នាក់លេខ២ បានត្រឹម១ពាន់ដុល្លារទៅវិញ។

ការបង្ហោះរបស់លោក ជួន សំណាង

កីឡាករ ម៉ន សាម៉េត

នេះបើតាមការបង្ហោះលើហ្វេសបុកលោក ជួន សំណាង គ្រូប្រចាំក្លឹបកងរាជសីហ៍មានរិទ្ធ និងត្រូវជាគ្រូរបស់ ម៉ន សាម៉េត លើកឡើងពីការហួសចិត្តចំពោះប្រាក់រង្វាន់ដែលកម្មវិធី King of fighter ផ្ដល់ជូនលេខ១-២ ខុសគ្នាឆ្ងាយពេក។

គ្រូប្រដាល់រូបនេះបន្ថែមទៀតថា តាំងពីធ្វើការខាងប្រដាល់ជាច្រើនឆ្នាំមកនេះមិនដែលឃើញថាការផ្ដល់ប្រាក់រង្វាន់ខុសគ្នាច្រើនបែបនេះទេ។ ចំពោះការផ្ដល់ប្រាក់រង្វាន់តិចបែបនេះគឺមិនសាកសមទៅនិងការចំណាយពេលហ្វឹកហាត់ សាច់ស្រស់ឈាមស្រស់ វាអាចនឹងធ្វើឲ្យកីឡាករបាក់ទឹកចិត្តហើយគ្មានអ្នកចង់ប្រកួតឲ្យទៀតទេ។

ប្រាក់រង្វាន់

រំលឹកដែរថា វគ្គផ្ដាច់ព្រ័ត្រកម្មវិធីដណ្ដើមពានរង្វាន់ King of fighter របស់សង្វៀនហស្សមាស កាលពីថ្ងៃសៅរ៍ ទី៣ ខែកក្កដា ២០២១ នេះបានបញ្ចប់ទៅហើយដោយជើងឯកបានលើ អេ អាំម៉ារីនភូថង លេខ២ ម៉ន សាម៉េត។ អ្នកលេខ១ បានពាន១ និងប្រាក់រង្វាន់ ៤០លានរៀល (១ម៉ឺនដុល្លារ) លេខ២ បានប្រាក់ ៤លានរៀល(១០០០ដុល្លារ)៕

អត្ថបទ៖ នួន ស៊ីណា