មិនធម្មតា! គ្រាន់តែអំបិលហឹរហោះ ធ្វើឱ្យយុវតីវ័យ១៨ សម្រេចទិញសិទ្ធិលក់ម្ជូរក្រឡុក ណាលីន

2021-07-07 10:57:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាងម្ជូរក្រឡុក ណាលីន បានបើកសម្ពោធសាខាថ្មីទី៨ របស់ខ្លួននៅរាជធានីភ្នំពេញ គឺសាខាអូឡាំពិក នៅថ្ងៃទី៧ ខែកក្កដា ឆ្នាំ២០២១ ដើម្បីឆ្លើយតបទៅនឹងតម្រូវការដែលកំពុងតែមានការកើនឡើងឥតឈប់ឈរ ក៏ដូចជាចង់នាំយករសជាតិម្ជូរ រួមនឹងអំបិលម្ទេស និងទឹកជ្រលក់ចម្រុះរសជាតិពីម្ចាស់ដើម ឱ្យអតិថិជនថ្មីសាកល្បង ក្រោយពីមានភាពល្បីល្បាញខ្លាំងនៅខេត្តបាត់បង។

ការបើកសាខាថ្មីនេះ បានកើតឡើងក្រោមការផ្ដួចផ្តើមគំនិតពីយុវតីម្នាក់មានវ័យត្រឹម១៨ឆ្នាំ ដែលបានទិញសិទ្ធិយីហោ ឬ Franchise ពីហាង ណាលីន ម្ជូរក្រឡុកបាត់ដំបងផ្ទាល់ ដើម្បីបើកហាងជាសាខា ក្រោយពីកញ្ញាបានជាប់ចិត្តនឹងរសជាតិម្ជូរថ្មីៗ និងស្រស់ៗគួរឱ្យស្រក់ទឹកមាត់ រួមទាំងអំបិលម្ទេស និងទឹកជ្រលក់ដ៏ឆ្ងាញ់រហូតដល់ទៅជាង១០០ ស្របតាមរដូវកាលនៃផ្លែឈើរបស់ខ្មែរយើង។

កញ្ញា ឡុង សុខរមនា បានបញ្ជាក់ថា ហេតុផលបន្ថែមទៀតក្នុងការបើកហាងថ្មីនេះ ដោយសារតែកញ្ញាមើលឃើញពីប្រជាប្រិយភាព និងភាពល្បីល្បាញរបស់ហាងម្ជូរ ណាលីន ពិសេសរសជាតិម្ជូរ និងអំបិលម្ទេសដែលប្លែកពីគេ និងកំពុងតែពេញនិយមពីអតិថិជនជាច្រើន ពិសេសអ្នកដែលចូលចិត្តញ៉ាំម្ជូរ។

អំឡុងពេលពិធីសម្ពោធហាងថ្មីសាខាថ្មី និស្សិតឆ្នាំទី១នាសាកលវិទ្យាល័យ University of Bath ចក្រភពអង់គ្លេស វ័យ១៨ឆ្នាំរូបនេះ បានប្រាប់ សប្បាយ ថា៖ «ក្រោយពីបានភ្លក្សរសជាតិដ៏ឆ្ងាញ់ពិសា បែបស្រក់ទឹកមាត់ និងគួរឱ្យចង់ញ៉ាំ ក៏ដូចជា មើលពីសក្តានុពល និងការនិយមចូលចិត្តម្ជូរហាង ណាលីន ខ្ញុំក៏បានសម្រេចចិត្តទិញសិទ្ធិ Franchise មកលក់បន្ត»។

កញ្ញាសុខរមនា បានកត់សម្គាល់ថា៖ «ក្រោយពីការបើកសាកល្បងតាំងពីថ្ងៃទី៣០ ខែមិថុនា ឆ្នាំ២០២១ មុនពេលធ្វើការសម្ពោធ ខ្ញុំកត់សម្គាល់ឃើញថា មានអតិថិជនជាច្រើនបានគាំទ្រ និងបានទិញម្ជូរពីហាងខ្ញុំ ក៏ដូចជាសរសើរមិនដាច់ពីមាត់លើរសជាតិម្ទេស និងទឹកជ្រលក់ជាច្រើនប្រភេទ ជាពិសេស កន្លែងស្អាត ហើយបុគ្គលិករួសរាយរាក់ទាក់»។

គិតត្រឹមពេលនេះ ហាង ណាលីន ម្ជូរក្រឡុកបាត់ដំបង មានសាខាសរុបចំនួន១៩ហើយទូទាំងប្រទេសកម្ពុជា ក្នុងនោះមាន៨សាខានៅរាជធានីភ្នំពេញ ហើយហេតុផលនៅពីក្រោយភាពជោគជ័យរបស់ហាងម្ជូរក្រឡុកបាត់បង ណាលីន គឺដោយសារតែអំបិលម្ទេស និងទឹកជ្រលក់ មានរសជាតិប្លែកពីគេ ជាច្រើនរសជាតិ រហូតដល់ទៅ៤០មុខ។

ប៉ុន្តែ ក្នុងចំណោមអំបិលម្ទេស និងទឹកជ្រលក់ជាង១០០មុខនោះ អំបិលហឹរហោះ គឺជាអំបិលម្ទេសមានប្រជាប្រិយភាព និងលក់ដាច់ខ្លាំងជាង ខណៈដែលអំបិលម្ទេសនេះ មានរសជាតិហឹរខ្លាំងបែបស្រក់ទឹកមាត់ និងឆ្ងាញ់ជាពិសេសសម្រាប់អ្នកចូលចិត្តហឹរខ្លាំង។

កញ្ញា សុខ ដាលីន ម្ចាស់ហាងម្ជូរក្រឡុកបាត់ដំបង បានឱ្យដឹងថា៖ «ក្រោយពីបានបើកអស់រយៈពេល៥ ទៅ៦ឆ្នាំកន្លងមកនេះ ខ្ញុំសង្កេតឃើញថា ហាងម្ជូរ ណាលីន ដណ្តើមបានប្រជាប្រិយភាពខ្លាំង ពិសេសហាងទាំងអស់របស់យើងសុទ្ធសឹងអាចរកប្រាក់ចំណូលបានពីចន្លោះទៅ៦០ម៉ឺនរៀល ទៅ១លានរៀលក្នុង១ថ្ងៃ បើទោះបីមានវិបត្តិកូវីដ ១៩ ក៏ដោយ»។

ចំពោះគោលដៅទៅថ្ងៃអនាគត ហាងម្ជូរ ណាលីន ចង់ពង្រីកសាខាឱ្យបាន២៣ទូទាំងប្រទេសកម្ពុជា ហើយក៏ចង់លក់ Franchise របស់ខ្លួនទៅកាន់ប្រទេសជិតខាង ដូចជាប្រទេសថៃផងដែរ ដែលដូចទៅនឹងទស្សនវិស័យរបស់កញ្ញា សុខរមនា ដែរ ដោយកញ្ញានឹងបើកសាខាថ្មីរបស់ខ្លួន ប្រសិនបើដំណើរការអាជីវកម្មមានភាពល្អប្រសើរដូចបច្ចុប្បន្ន។

ម្ចាស់ដើមហាង ណាលីន រូបនេះ បានបន្ថែមទៀតថា ការបង្កើតហាង និងបង្កើតឱ្យមានការលក់សិទ្ធិ Franchise នេះ ក៏មានគោលបំណងបង្កើតមុខរបរដល់ស្ត្រីខ្មែរផងដែរ ក៏ដូចជាលើកស្ទួយវិស័យអាវីវកម្មនៅកម្ពុជា និងផ្ដួចផ្តើមគំនិតឱ្យចេះបង្កើតយីហោដោយខ្លួនឯង មិនថា មុខរបរដូចជាការលក់ម្ជូរនេះក៏ដោយ។

ដើម្បីអបអរដល់ការបើកហាងម្ជូរ ណាលីន សាខាអូឡាំពិកថ្មីនេះ អតិថិជនទាំងអស់ដែលចំណាយប្រាក់ទិញ៥០០០រៀល នឹងទទួលបានអំបិលដោយឥតគិតថ្លៃចំនួន៣មុខ ទិញអស់១០០០០រៀល ហ្វ្រីអំបិល៥មុខ ខណៈដែលទិញអស់២០០០០រៀល ហ្វ្រីអំបិល១កំប៉ុងតូច ខណៈដែលការផ្ដល់ជូននេះ មានរយៈពេល៣ថ្ងៃប៉ុណ្ណោះ។

ហាងម្ជូរ ណាលីន សាខាអូឡាំពិក មានទីតាំងស្ថិតនៅអគារលេខ៨៨-៨៩ ផ្លូវលេខ៣៤៨ សង្កាត់ទួលស្វាយព្រៃ ខណ្ឌបឹងកេងកង រាជធានីភ្នំពេញ ហើយលោកអ្នកអាចទៅកាន់ទីតាំងផ្ទាល់ក៏បាន ឬអាចទាក់ទងទៅកាន់លេខទូរសព្ទលេខ ០៩៣ ២៩ ៨៣ ៩៦ ឬចូលទៅកាន់ផេក Facebook៖ ម្ជូរក្រឡុកណាលីន សាខាអូឡាំពិក។

សម្រាប់ការទាក់ទងទិញសិទ្ធិបើកសាខាថ្មីពីហាងម្ជូរ ណាលីន សូមចូលទៅកាន់៖

ហ្វេសបុកផេក៖ Nalin Fruits
ឬតាមរយៈលេខទូរសព្ទ ០៨៥ ៧២២ ២២៦៕

អត្ថបទ៖ សុខុន សុម៉ាភាវី

ពាក្យទាក់ទង