គួរប្រើ iOS 8 ជំនាន់ 8.0.1 ឬរង់ចាំជំនាន់ 8.0.2 មកដល់?

2014-09-25 23:57:45
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពី Apple បានបញ្ចេញកំណែប្រែ iOS 8 ជំនាន់ 8.0.1 រួចមកឃើញថាមានបញ្ហាកំពុងកើតឡើងសម្រាប់អ្នកប្រើប្រាស់ស្ទើរទាំងអស់នៅពេលពួកគេ update ឡើងពី iOS 8។ បញ្ហាដ៏គួរឱ្យកត់សម្គាល់ដែលកើតឡើងនៅលើ iOS 8 Version 8.0.1 មានដូចជា ទូរសព្ទដំណើរការមិនសូវរលូន App មួយចំនួនគាំងប្រើមិនកើត ទូរសព្ទគ្មានសេវា ហើយជាពិសេសវាប៉ះពាល់ទៅលើប្រព័ន្ធ Touch ID ទៀតផង។

ជាក់ស្ដែងការសិក្សាមួយកាលពីពេលថ្មីៗនេះលើប្រព័ន្ធប្រតិបត្តិការiOS 8 បានបង្ហាញថាវា (iOS 8) បានបណ្ដាលឲ្យកម្មវិធីជាច្រើននៅលើ iPhone មានបញ្ហាបើគិតជាភាគរយគឺមានរហូតដល់ទៅ៣,៥៦ភាគរយ ខណៈដែលប្រព័ន្ធប្រតិបត្តិការចាស់(iOS 7) មានបញ្ហាត្រឹមតែ ២ភាគរយប៉ុណ្ណោះ។

នៅក្នុងតារាងខាងលើបានបង្ហាញថា មិនត្រឹមតែត្រកូល iPhone ស៊េរីចាស់ៗទេដែលដំណើរការមិនស្រួល សូម្បីតែiPhone ស៊េរីថ្មីទាំងពីរម៉ូដែល(iPhone 6/6 Plus) ក៏ជួបបញ្ហានេះដូចគ្នានេះដែរ។ ដូចដែលប្រិយមិត្តបានឃើញក្នុងតារាងខាងក្រោមអញ្ចឹង iPhone 6 មានបញ្ហា(កម្មវិធីដំណើរការមិនស្រួល) រហូតដល់ទៅ ២,៦៣ភាគរយ រីឯ iPhone 6 Plus មានចំនួន ២,១១ភាគរយ។ ដោយឡែកបញ្ហាដែលកើតឡើងចំពោះ iPhone ស៊េរីចាស់ៗរួមទាំង iPhone 5S ផងនោះមានរហូតទៅដល់ ៣,៥៧ភាគរយ។

ការសិក្សាដដែលនោះក៏បានព្រមានដល់អ្នកប្រើប្រាស់ iPhone ទាំងអស់ជាពិសេសម្ចាស់iPhone 4S កុំទាន់ធ្វើការUpdate ប្រព័ន្ធប្រតិបត្តិការ iOS 8 ព្រោះអាចនាំឲ្យមានបញ្ហាដល់ទូរសព្ទ។

ជុំវិញបញ្ហានេះ Apple បានណែនាំឱ្យអតិថិជនទាំងអស់ដែលកំពុងប្រើ iOS 8 ជំនាន់ 8.0.1 ទម្លាក់មកត្រឹម iOS 8 ធម្មតាវិញ។ ក្រៅពីការបង្ហាញដំណោះស្រាយដ៏សាមញ្ញមួយនេះ Apple ក៏គ្រោងនឹងធ្វើកំណែប្រែ iOS 8 ដល់ជំនាន់ 8.0.2 ដើម្បីអាចដោះស្រាយរាល់បញ្ហាប្រឈមនាពេលនេះ។

ដើម្បីប្ដូរពី iOS 8 ជំនាន់ 8.0.1 ទៅកាន់ iOS 8 សូមអនុវត្តន៍តាមវីដេអូខ្លីខាងក្រោម៖

http://youtu.be/hZkyIJ9hY-A

មិនប៉ុន្មានថ្ងៃទៀត Apple នឹងដាក់ឱ្យ update ទៅកាន់ iOS 8 ជំនាន់ 8.0.2 បានហើយ៕

អាន៖ Bitlockerសោកង់វ័យឆ្លាតអាចឲ្យអ្នកចាក់ពីចម្ងាយតាម Smartphone បាន

ប្រែសម្រួល៖ សែម សុធារិទ្ធ & ប៉ែត ផានិត ប្រភព៖ idownloadblog