ឡៅ ចិត្រា មុនក្រោយគង់តែប៉ះគ្នាទៀតទេ ឥលូវជួបហើយអាទិត្យនេះសងសឹក ផល សោភ័ណ្ឌ

2021-07-21 02:11:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជើងខ្លាំងមកពីឆត្រយោង ៩១១ ឡៅ ចិត្រា ធ្លាប់គិតថាមុនក្រោយដឹងតែនឹងបានប៉ះគ្នាទៀតហើយ ឥលូវសប្ដាហ៍នេះបានជួបមែនគឺជំនួបសងសឹកជាមួយអ្នកលេងគុនខ្មែរ ផល សោភ័ណ្ឌ ក្នុងកម្មវិធី Kun Khmer All Star។

ចិត្រា ពេលចាញ់ ផល សោភ័ណ្ឌ

ឡៅ ចិត្រា បានលើកឡើងក្នុងផេកលោក ស៊ន អេលីត ថាពីមុនធ្លាប់ចាញ់រៀមច្បង ផល សោភ័ណ្ឌ ១ដងក្នុងវគ្គផ្ដាច់ព្រ័ត្រខ្សែក្រវាត់ខារ៉ាបាវ និងធ្លាប់គិតថានៅពេលណាមួយនឹងបានជួបគ្នាជាថ្មីហើយឥលូវនេះក៏ដូចការគិតមែន។

សោភ័ណ្ឌ ឈ្នះខ្សែក្រវាត់លើ ចិត្រា

ចំពោះការត្រៀមខ្លួនវិញ ចិត្រា បញ្ជាក់ថាហ្វឹកហាត់បានល្អគ្រប់គ្រាន់តែម្ដង ពោលចាំតែថ្ងៃប្រកួតមកដល់ប៉ុណ្ណោះ។ ខានប្រកួតយូរបែបនេះប្អូនប្រុសរបស់ ចន្ទ្រា បារម្ភការចេញស្នៀតខ្លាចនៅយឺត។ ក្នុងជំនួបសងសឹកនេះ ចិត្រា ដាក់ក្ដីសង្ឃឹមរហូតដល់ ៦០% ឈ្នះសងសឹកបានលើ ផល សោភ័ណ្ឌ។

ឡៅ ចិត្រា និង ផល សោភ័ណ្ឌ

រំលឹកដែរថា ឡៅ ចិត្រា ធ្លាប់ចាញ់វគ្គផ្ដាច់ព្រ័ត្រខ្សែក្រវាត់ខារ៉ាបាវ ជាមួយកីឡាករជើងចាស់ ផល សោភ័ណ្ឌ នៅសង្វៀនបាយ័ន កន្លងទៅ។ ចំណែកការប៉ះគ្នាសងសឹកជាថ្មីនេះធ្វើឡើងនៅថ្ងៃអាទិត្យ ទី២៥ ខែកក្កដា ២០២១ ក្នុងកម្មវិធីថ្មីរបស់លោក ស៊ន អេលីត គឺ Kun Khmer All Star៕

អត្ថបទ៖ នួន ស៊ីណា