សង្វៀន Kun Khmer All Star រៀបចំបានអ្វីខ្លះហើយខណៈថ្ងៃប្រកួតកៀកមកដល់...

2021-07-22 02:38:37
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រកួតថ្មីរបស់លោក ស៊ន អេលីត Kun Khmer All Star រៀបចំស្ទើររួចរាល់អស់ហើយនៅសល់តែកិច្ចការបន្តិចបន្តួចប៉ុណ្ណោះ។

រូបភាពលើហ្វេសបុកលោក ស៊ន អេលីត

លោក ស៊ន អេលីត ម្ចាស់កម្មវិធី Kun Khmer All Star បានឲ្យដឹងថា មកដល់ពេលនេះគឺរួចរាល់អស់ហើយដូចជាការដោះដូរសមាសភាពកីឡាករ និងកិច្ចការផ្សព្វផ្សាយ (Promote)។ មកដល់ម៉ោងនេះកីឡាករទាំងអស់បានត្រៀមខ្លួនរួចរាល់ហើយ។

មួយវិញទៀតពាក់ព័ន្ធរឿងសង្វៀនសម្រាប់ប្រកួត គឺលោក និងក្រុមការងារកំពុងជួសជុល បាញ់ថ្នាំឡើងវិញ ដំឡើងភ្លើង នឹងគ្រោងបើកសាកល្បងនៅល្ងាចថ្ងៃទី២៣-២៤នេះហើយ។ និយាយជារួមការរៀបចំនេះក៏មានបញ្ហាតិចតួចដែរព្រោះក្រុមការងារសុទ្ធតែថ្មីដូចគ្នា យ៉ាងណាការងារក៏នៅតែរលូនល្អ និងស្ទើររួចរាល់ហើយ។

រូបភាពលើហ្វេសបុកលោក ស៊ន អេលីត

រំលឹកដែរថា កម្មវិធី Kun Khmer All Star នេះជាលើកទី១ ហើយសម្រាប់លោក ស៊ន អេលីត បង្កើតឡើង ព្រោះកន្លងទៅមានរៀបចំការប្រកួតដែរប៉ុន្តែលក្ខណៈពន្លកគុនខ្មែរតូចៗប៉ុណ្ណោះ។ កម្មវិធីប្រកួតថ្មីនេះគឺមានការចាប់អារម្មណ៍ខ្លាំងពីសំណាក់អ្នកគាំទ្រ ព្រោះឲ្យតម្លៃខ្លួនកីឡាករខ្ពស់ និងមានសុទ្ធតែគូខ្លាំងៗលំដាប់ប្រទេសតែម្ដង។ Kun Khmer All Star នឹងធ្វើឡើងនៅថ្ងៃទី២៥ ខែកក្ដដា ២០២១ នៅក្លឹបនាយដ្ឋានអង្គរក្ស ឯខណ្ឌឫស្សីកែវ៕

អត្ថបទ៖ នួន ស៊ីណា