ដឹងការពិតសង្ខេបខ្លីៗ ពី Zhao Lusi តារាចិនកំពុងពេញស្រឡាញ់របស់ Fan C-Dramas

2021-08-13 03:58:09
ចំនួនមតិ 0 | ចំនួនចែករំលែក 0

ចន្លោះមិនឃើញ

Zhao Lusi ជាតារាសម្ដែងចិនវ័យក្មេង ដែលបច្ចុប្បន្នកំពុងឆក់យកបេះដូងអ្នកគាំទ្រជាច្រើននាក់ ឲ្យឈ្លក់វង្វេងនឹងសម្រស់បែបយុវតីវ័យ ជាង ២០ឆ្នាំស្ដើងរបស់នាង។

ទើបចូលសិល្បៈនៅឆ្នាំ ២០១៦មែន ប៉ុន្តែ Lusi មានឱកាសបានសម្ដែងរឿងច្រើន ដែលក្នុងនោះភាគច្រើនសុទ្ធតែជោគជ័យ ហុចផ្លែផ្កាមកច្រើនគួរសម។ ក្នុងចំណោមភាពយន្តល្បីៗទាំងនោះ រឿងដែលធ្វើឲ្យកេរ្តិ៍ឈ្មោះនាងហក់ត្រដែតខ្លាំងមាន៖ រឿង «The Romance of Tiger and Rose», «Oh! My Emperor», «Love better than immortality», «Love of Thousand Years», «Dating in the Kitchen», «The Long Ballad» និងរឿង «Please Feel At Ease Mr Ling» ជាដើម។

ដូច្នេះពេលនេះ ក៏ដល់ពេលទៅដឹង រឿងរ៉ាវជីវិតឯកជនរបស់ Lusi វិញម្ដង៖

១. Zhao Lusi មានឈ្មោះអង់គ្លេស Rosy Zhao កើតថ្ងៃទី ០៩ ខែវិច្ឆិកា ឆ្នាំ១៩៩៨ នៅខេត្ត Sichuan ប្រទេសចិន។

២. នាងជានិស្សិតសិក្សាផ្នែក Fashion Design នៅសាកលវិទ្យាល័យ Mingdao University។

៣. បើកុំតែក្លាយជាតារាសម្ដែង កុំអី Lusi ចាប់យកអាជីពជា អ្នកDesign បាត់ទៅហើយ

៤. ល្បីថា Lusi ក៏ជាអ្នកគាំទ្រស្មោះស្ម័គ្ររបស់ក្រុមចម្រៀង TFBoys ដែរ។

៥. មិនត្រឹមតែល្បីក្នុងរឿងទេ តារាស្រីរូបនេះក៏សកម្មខ្លាំងលើ Douyin (TikTok) មិនធម្មតាដែរ បើធៀបនឹងតារាផ្សេងទៀត។ វាជាការកម្សាន្តធំមួយដែរសម្រាប់នាង ក្រោយសម្រាកពីការងារ ហើយក៏ជាទីដែលនាងអាចភ្ជាប់ទំនាក់ទំនងកាន់តែជិតស្និទ្ធជាមួយនឹង អ្នកគាំទ្រផ្ទាល់ តាមរយៈការ Update វីដេអូឃ្លីបថ្មីៗ។

៦. Lusi ជាមនុស្សម្នាក់ដែលចូលចិត្តធ្វើចិត្តឲ្យរីករាយស្រស់ថ្លា រួសរាយ ចេះបង្កបរិយាកាសសប្បាយៗជាមួយនឹងមនុស្សជុំវិញខ្លួន និងពូកែនិយាយលេខ ១។

៧. ការកម្សាន្ត៖ ចូលចិត្តធ្វើដំណើរកម្សាន្តទៅក្រៅ លេងហ្គេម ទិញឥវ៉ាន់ (ជាពិសេសទិញតាមអនឡាញ ពេលគេ Live លក់) រៀបផ្កា និងច្រៀងលេង

៨. នាងជាមនុស្សដែលចូលចិត្តញ៉ាំម្ហូបហឹរ Tempura និង Hot Pot

៩. បើសិនជ្រើសផ្លែឈើណាមួយមកតំណាង នាងយកផ្លែទុរេន ព្រោះខាងក្រៅអាចមិនល្អមើល ប៉ុន្តែខាងក្នុងពិតជាផ្អែមល្ហែមណាស់។ ឯចរិតរបស់នាងក៏ដូចគ្នានេះដែរ ថ្វីត្បិតនៅក្រៅលេងច្រើន ប៉ុន្តែនាងក៏ទន់ភ្លន់ដែរ។