Silicon Valley ជាជង្រុកអ្នកប្រាជ្ញ និងស្នូលបច្ចេកវិទ្យាកំពូលៗរបស់សហរដ្ឋអាមេរិច

2021-08-17 11:17:58
ចំនួនមតិ 0 | ចំនួនចែករំលែក 0

ចន្លោះមិនឃើញ

Silicon Valley ជាមជ្ឈមណ្ឌលនៃពិភពបច្ចេកវិទ្យានិងការច្នៃប្រឌិតដ៏ខ្ពស់ ហើយក៏ជាទឹកដីកំណើតនៃពាណិជ្ជកម្ម តន្រ្តី កីឡា វប្បធម៌ដ៏សម្បូរបែប ជាជង្រុកអ្នកប្រាជ្ញ និងបណ្ដុំទៅដោយក្រុមហ៊ុនល្បីៗជាច្រើន មិនថា Apple, Google, Tesla និងក្រុមហ៊ុនជាច្រើនទៀត។

តំបន់ដ៏សំខាន់នេះ ស្ថិតនៅរដ្ឋកាលីហ្វ័រញ៉ា សហរដ្ឋអាមេរិច ជាទីកន្លែងមានតម្លៃខ្ពស់ ប្រមាណជាជិត ៣ទ្រីលានដុល្លារ (១ទ្រីលានដុល្លារ = ១,០០០,០០០,០០០,០០០ដុល្លារ) នៅអំឡុង ចុងឆ្នាំ២០២០ នេះបើយោងទៅតាម Business Insider។

ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

រាប់ពីចុងឆ្នាំ១៨០០ មកដល់បច្ចុប្បន្ន Silicon Valley ទម្រាំក្លាយជាតំបន់ស្នូលដ៏សំខាន់ វាត្រូវបានចាក់ទឹកដាក់ជី ចំណាយហិរញ្ញវត្ថុនិងធនធានមនុស្សជាច្រើនពីសហរដ្ឋអាមេរិច ដោយសម្រេចបានជាផ្លែផ្កានិងសមិទ្ធិផលជាច្រើនដំណាក់កាលដូចជា៖

ចុងឆ្នាំ១៨០០ កំពង់ផែ San Francisco ជាទីកន្លែង ឧស្សាហកម្មទូរលេខ និងវិទ្យុដំបូងគេ
ឆ្នាំ១៩០៩ ជាកន្លែងស្ថានីយ៍វិទ្យុទាក់ទងដំបូងបំផុត របស់សហរដ្ឋអាមេរិច
ឆ្នាំ ១៩៣៣ នៅឆ្នាំ ១៩៣៣ កងទ័ពជើងទឹកបានទិញ Moffett Field ដើម្បីដាក់ ពោងចម្បាំង USS Macon និងបានវិវត្ត Moffett Field ឱ្យក្លាយជា ទីកន្លែងឧស្សាហកម្មអវកាស

ពោងចម្បាំង USS Macon

ឆ្នាំ១៩៣៩ បង្កើតមជ្ឈមណ្ឌលស្រាវជ្រាវ Ames Research Center និងបានផលិត ផ្លូវរូងក្រោមដីធំបំផុតលើលោកក្នុង ឆ្នាំ១៩៤៩
ឆ្នាំ១៩៣៩ ក្រុមហ៊ុន HP ផលិតបច្ចេកវិទ្យារ៉ាដា និងកាំភ្លើងធំ។ ហើយឆ្នាំនេះផងដែរបច្ចេកវិទ្យាកុំព្យូទ័រ ក៏ចាប់មានពន្លកបន្ដិចបន្ដួចផងដែរ
ឆ្នាំ១៩៤០ លោក William Shockley បានបង្កើតត្រង់ស៊ីស្ទ័រជាបន្ទះឈីបកុំព្យូទ័រដំបូង

លោក William Shockley និងត្រង់ស៊ីស្ទ័រ

ឆ្នាំ១៩៦០ ក្រុមហ៊ុន Fairchild Semiconductor មានបង្កើតគ្រឿងបង្គុំកុំព្យូទ័រសម្រាប់ កម្មវិធីអាប៉ូឡូ
ឆ្នាំ១៩៦៨ មានការបង្កើតក្រុមហ៊ុនផលិតបន្ទះឈីប Intel, AMD និង Nvidia
ឆ្នាំ១៩៦៩ វិទ្យាស្ថានស្រាវជ្រាវ Stanford ជាស្ថាប័នមួយក្នុងចំណោម៤ ដែលស្រាវជ្រាវបង្កើតឱ្យមាន អ៊ីនធឺណិត
ឆ្នាំ១៩៧០ ក្រុមហ៊ុន Xerox បានបង្កើត PARC lab ដែលជាកន្លែងបង្កើតបច្ចេកវិទ្យាកុំព្យូទ័រដំបូង, អ៊ីនធឺណិតកុំព្យូទ័រ និងប្រព័ន្ធ GUI ដែលជាផ្ទៃប្រើប្រាស់ ជំនួសឱ្យការប្រើកូដបញ្ជារលើកុំព្យូទ័រ
ឆ្នាំ១៩៧១ ជង្រុកបច្ចេកវិទ្យាមួយនេះ ត្រូវបានដាក់ឈ្មោះថា "SILICON VALLEY USA"

ការិយាល័យកណ្ដាលរបស់ Apple បច្ចុប្បន្ន

អំឡុងឆ្នាំ១៩៧០-៨០ ក្រុមហ៊ុន Apple និង Oracle បានបង្កើតឡើង។ Silicon Valley បានក្លាយជា មជ្ឈមណ្ឌលនៃឧស្សាហកម្មកុំព្យូទ័រ ដ៏ល្បីល្បាញ
អំឡុងឆ្នាំ១៩៩០ ក្រុមហ៊ុន eBay, Yahoo, PayPal និង Google ត្រូវបានបង្កើតឡើង

បន្ទាប់ពីនេះ ក្រោយៗមកទៀត គេចាប់ផ្ដើមឃើញមាន ក្រុមហ៊ុន Facebook, Twitter, Uber និងត្រូវបានបង្កើតឡើងបន្តបន្ទាប់ មកដល់សព្វថ្ងៃនេះផងដែរ៕

ប្រភព៖ Businessinsider ប្រែសម្រួល៖ កុសល