ក្រោយអ្នកឧកញ៉ា ប្រកាសរឿង "មៀន" ម្សិលមិញ ឥឡូវមើលទិដ្ឋភាពនៅថ្ងៃនេះតាមសាទាំង១៨

2021-08-20 08:19:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្លែមៀនប៉ៃលិន និងតាង៉ែន របស់អ្នកឧកញ៉ា ឡេង ណាវ៉ាត្រា ដែលប្រកាសទិញពីបងប្អូនកសិករចំនួន ១ពាន់តោនមកដាក់លក់ក្នុងផ្សារកសិផលធម្មជាតិ ឡេង ណាវ៉ាត្រា ឥឡូវបានដឹកមកដល់បណ្ដើរៗហើយ ស្របពេលបងប្អូនអតិថិជនបានកុម្មង់ និងចុះមកទិញផ្ទាល់ហូរហែនៅតាមទីតាំងផ្សារកសិផលធម្មជាតិ ឡេង ណាវ៉ាត្រា ទាំង ១៨សាខា។

អ្នកឧកញ៉ា ដែលមានប្រវត្តិជាពលករធ្វើការនៅប្រទេសកូរ៉េរូបនេះ បានសរសេរលើផេកផ្លូវការលោកបែបនេះថា៖ "សូមបងប្អូនសប្បុរសជនទាំងអស់ ទៅទទួលផ្លែមៀននៅសាខាផ្សាកសិផល ឡេង ណាវ៉ាត្រាទាំង18សាខានេះ ឬសាខាផ្សាកសិផលឡេងណាវ៉ាត្រា ណាមួយដែលនៅជិតបងប្អូនបំផុត"។

គួររម្លឹកជូនថា ការប្រកាសរបស់អ្នកឧកញ៉ា ឡេង ណាវ៉ាត្រា ខាងលើនេះ ធ្វើឡើងក្នុងន័យដើម្បីជួយសម្រួលបញ្ហាការលំបាកកង្វះទីផ្សារ និងស្របតាមគោលនយោបាយរបស់រាជរដ្ឋាភិបាលកម្ពុជា ស្ថិតក្នុងស្ថានភាពដ៏លំបាកនៃវិបត្តិកូវីដ-១៩។

ដំណឹងបញ្ជាទិញមៀនប៉ៃលិនចំនួន១ពាន់តោននៅគ្រាលំបាកពេលនេះទទួលការគាំទ្រពីមហាជនជាខ្លាំង ហើយមានអ្នកឧកញ៉ា លោកឧកញ៉ាបានបន្តជួយទិញទៅទៅចែកជូនប្រជាពលរដ្ឋជាបន្តបន្ទាប់ផងដែរ៕

តោះ...មើលទិដ្ឋភាពនៅតាមទីតាំងទាំង ១៨ នៃផ្សារកសិផលធម្មជាតិ ឡេង ណាវ៉ាត្រា ទាំងអស់គ្នា!