អេនឌី បង្ហាញមុខអតីតដៃគូរចម្រៀងស្រីម្នាក់ ហើយបានផ្ដល់តម្រុយថានឹងចូលប្រឡូកសិល្បៈវិញ

2021-08-26 05:26:45
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតតារាចម្រៀងប្រុស អេនឌី បង្ហាញសញ្ញាថ្មីមួយថាលោកមិនទាន់ទៅណាឆ្ងាយពីអាជីពចម្រៀងនៅឡើយទេ បន្ទាប់ពីបាត់វត្តមានលោកឈឹងនៅលើឆាកប្រគំតន្ត្រី និងនៅលើកញ្ចក់ទូរទស្សន៍នានាអស់រយៈពេលជាច្រើនឆ្នាំដោយជំនួសមកវិញនូវការបង្ហាញរូបថតស្ដាយប្លែកៗតាមបណ្ដាញសង្គមInstagram វិញ។

ស្រាប់តែនៅថ្ងៃទី២៦ ខែសីហា នេះ តារាចម្រៀងនិយមច្រៀងឡើងវិញនូវបទមរតកដើម និងច្រៀងតាមភោជនីយដ្ឋានរូបនេះ បានបង្ហោះសារខ្លីមួយដោយភ្ជាប់រូបថតចំនួន៣សន្លឹកបង្ហាញមុខអតីតដៃគូចម្រៀងស្រីម្នាក់ គឺអ្នកនាង ម៉ន ធីតា។ លោកសរសេរថា៖"នឹកគ្រានោះណាស់...ស្រណោះគ្រាដែលកន្លង! បើសិនខ្ញុំទាំងពីរនាក់ ត្រឡប់មកច្រៀងជាដៃគូម្ដងទៀត តើគាំទ្រទេពុកម៉ែបងប្អូនទាំងអស់គ្នា?"។

តារាចម្រៀងទាំងពីរដួងនេះ បានបាត់មុខពីសិល្បៈយូរឆ្នាំដូចគ្នា ហើយអ្នកទាំងតែងតែបង្ហាញរូបថតអនុស្សាវរីយ៍អាជីពសិល្បៈតាមបណ្ដាញសង្គមFacebook និងInstagram។ រូបថតភាគច្រើនបង្ហាញពីសកម្មភាពឡើងឆាកប្រគុំតន្ដ្រី និងប៉ុស្ដិ៍ទូរទស្សន៍ដើម្បីច្រៀង៕

អត្ថបទ៖ Chin Sopheak