រ័ត្ន សំណាង បង្ហាញខ្លួន១០លើក ជាប់ជម្រើសដំបូង១០លើក បំប៉ោងសំណាញ់ទី៤គ្រាប់

2021-09-02 06:26:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ រ័ត្ន សំណាងហាក់ឡើងជើងគួរអោយកត់សម្គាល់ ខណៈ១០ប្រកួតកន្លងទៅគេជាប់ជម្រើស១១នាក់ដំបូងទាំង១០លើក ហើយមិនតែប៉ុណ្ណោះគេថែមទាំងបានបំប៉ោងសំណាញ់ទីគូប្រជែងបាន៤លើកដែរ នៅព្រឹត្តិការណ៍ MCL ឆ្នាំ២០២១។

កាលពីម្សិលមិញក្នុងជំនួបជាមួយក្លឹបនគរបាលជាតិ តារាជើងស៊ុតវ័យ១៩ឆ្នាំ រកបានពីរគ្រាប់ម្នាក់ឯងនៅនាទីទី 25 និង 90+1 ជួយអោយសូលទីឡូអង្គរឈ្នះ ៣-០ នៅកីឡដ្ឋាន អេស. អ. យូ ទឹកដីអ្គរខេត្តសៀមរាប។

ក្នុងបទសម្ភាសន៍មួយជាមួយ CNCC ក្រោយចប់ការប្រកួត រ័ត្ន សំណាង បានបង្ហើបថា ជ័យជម្នៈដំបូងនេះគឺជាកម្លាំងចិត្តដ៏ធំធេងសម្រាប់សមាជិកក្រុមទាំងមូល។

គួរបញ្ជាក់ថា រ័ត្ន សំណាង បង្ហាញខ្លួនអោយសូលទីឡូអង្គរ១០លើក ជាប់ជម្រើស១១នាក់ទាំង១០លើក រកបាន៤គ្រាប់ និងបញ្ចូនបាល់អោយមិត្តរួមក្រុម១លើក។ ៤គ្រាប់របស់គេស៊ុតដោយប្រើជើងស្ដាំក្នុងប្រអប់២ដង តែត១ និងហ្វ្រីឃីកជើងស្ដាំក្រៅប្រអប់១គ្រាប់។ នេះបើផ្អែកតាមតួលេខផេកផ្លូវការរបស់លោក ឆន ទិត្យ អ្នកសារព័ត៌មានកីឡាមួយរូបនៅកម្ពុជា។

ទោះមានស្ថិតិល្អ ប៉ុន្តែកូនក្រុមរបស់លោក អ៊ុក សុធី មិនអាចជួយសូលទីឡូបានចំណាត់ថ្នាក់ល្អឡើយ ពោលគឺទើបឈ្នះនគរបាលជាតិ ៣-២ ម្ដងនេះប៉ុណ្ណោះ ខណៈ៩ប្រកួតកន្លងមកចាញ់ ៨ ស្មើ ១។ បច្ចុប្បន្នក្រុមមួយនេះកំពុងឈរលេខរៀងទី១២ និងលេខរៀងទី២ បើរាប់ពីក្រោមមកវិញ៕

អត្ថបទ៖ អ៊ុំ សុភក្តិ