សហព័ន្ធឃីកបុកស៊ីង និងគុនខ្មែរ ឧបត្ថម្ភថវិកាមួយចំនួនដល់គ្រូប្រដាល់ ឈិន ក្វាន់ចៃ

2021-09-20 02:53:42
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាមការបង្ហោះលើហ្វេសបុកសហព័ន្ធឃីកបុកស៊ីង ថ្ងៃអាទិត្យម្សិលមិញគឺឯកឧត្ដម ហេង សុខឃន ប្រធានសហព័ន្ធឃីកបុកស៊ីង និងតំណាងឯកឧត្ដម តែម ម៉ឺន សហព័ន្ធប្រដាល់គុនខ្មែរបាននាំកីឡាករជម្រើសជាតិចុះសួរសុខទុក្ខ និងឧបត្ថម្ភជាថវិកាមួយចំនួនដល់គ្រូប្រដាល់ ឈិន ក្វាន់ចៃ ដែលកំពុងមានជំងឺ។

លោក ហេង សុខឃន (រូបភាពសហព័ន្ធ)

លោក ឈិន ក្វាន់ចៃ ដែលជាគ្រូរបស់ រឿង សោភ័ណ្ឌ រូបនេះធ្លាក់ខ្លួនឈឺជាខ្លាំងរហូតសម្រាកនៅលើកន្ទេល ព្រមទាំងជួបការលំបាកគ្មានលទ្ធភាពព្យាបាលនោះទេ។ ប៉ុន្មានថ្ងៃនេះគេឃើញគ្រូប្រដាល់ខាងលើទទួលបានជំនួយជាបន្តបន្ទាប់ពីសំណាក់សប្បុរសជននានារួមមានពីខាងលោកស្រី ទ្រី ដាណា ខាងលោក ហេរ៉ូ ខាងសហព័ន្ធ និងតាមរយៈ រឿង សោភ័ណ្ឌ ខ្លះទៀត។

រំលឹកដែរថា លោក ឈិន ក្វាន់ចៃ ជាគ្រូប្រដាល់របស់កីឡាករជើងខ្លាំង រឿង សោភ័ណ្ឌ នៃក្លឹបប្រដាល់ម្កុដរាជសីហ។ លោកធ្លាក់ខ្លួនឈឺធ្ងន់ជាយូរណាស់ដែរហើយ និងមិនអាចនៅបង្ហាត់សិស្សបានដូចមុននោះទេ៕

អត្ថបទ៖ នួន ស៊ីណា