កម្ពុជាត្រូវការត្រឹមស្មើកោះហ្គាំក៏បានឡើងដែរ តែកីឡាករថានឹងឈ្នះម្ដងទៀត
- 2021-10-12 02:00:17
- ចំនួនមតិ 0 | ចំនួនចែករំលែក 0
កម្ពុជាត្រូវការត្រឹមស្មើកោះហ្គាំក៏បានឡើងដែរ តែកីឡាករថានឹងឈ្នះម្ដងទៀត
ចន្លោះមិនឃើញ
ក្រុមបាល់ទាត់ជម្រើសជាតិកម្ពុជា នឹងត្រូវប៉ះក្រុមបាល់ទាត់ជម្រើសជាតិកោះហ្គាំវេលាម៉ោង១១:០០នាទីយប់នេះ (ម៉ោងនៅកម្ពុជា) នៅទឹកដីប្រទេសបារ៉ែនក្នុងការប្រកួត AFC Asian Cup China 2023 Qualifiers Playoff ។
ក្នុងការប្រកួតយប់នេះជាការប្រកួតជើងទី២ ដែលកម្ពុជាត្រូវការត្រឹមស្មើប៉ុណ្ណោះ នឹងបានឡើងទៅកាន់វគ្គបន្ត ប៉ុន្តែម្សិលមិញនេះ លឹម ពិសុទ្ធ ខ្សែប្រយុទ្ធជម្រើសជាតិកម្ពុជាយល់ថា យប់នេះគោព្រៃកម្ពុជានឹងឈ្នះការប្រកួតនេះម្ដងទៀត។ ដោយសារជើងទី១កម្ពុជារកបាន១គ្រាប់ដោយ ចាន់ វឌ្ឍនាកា ធ្វើឲ្យជើងទី២នេះកម្ពុជាកាន់តែមានភាគរយច្រើនក្នុងការបានឡើងទៅកាន់ជុំបន្ទាប់។
ទាក់ទងការប្រកួតកាលជើងទី១ប្រិយមិត្តបានឃើញហើយថា កម្ពុជាមានឱកាសច្រើនតែមិនអាចស៊ុតបានច្រើនគ្រាប់។ ចំណុចនេះខ្សែប្រយុទ្ធវ័យ២០ឆ្នាំរបស់កម្ពុជាខាងលើបានបង្ហើបថា មកពីចំណុចសំខាន់ពីរគឺទី១បញ្ហាទីលាននៅបារ៉ែនហាក់ស្អិត ពីព្រោះទីលាននោះស្មៅធម្មជាតិតែមិនបាញ់ទឹក ហើយពេលបោះបាល់ឲ្យដៃគូគឺពិបាកណាស់ ពោលគឺបោះឲ្យគ្នាមិនបានចំគោលដៅល្អឡើយ។ ចំណែកហេតុផលទី២គឺកាលជើងទី១ កម្លាំងកីឡាករមិនទាន់មានគ្រប់គ្រាន់ ដោយសារការធ្វើដំណើរពីកម្ពុជាទៅបារ៉ែនទើបតែបាន៣ថ្ងៃ ហើយហ្វឹកហាត់តិចពេកជាមួយទីលាននៅទីនោះ ទើបធ្វើឲ្យកីឡាករលេងមិនសូវយល់ចិត្តគ្នាល្អ៕