រៀនពេលណាក៏ល្អដែរ ឱ្យតែចិត្តចង់រៀន ប៉ុន្តែយ៉ាងណាមិញ អ្នកគប្បីជ្រើសរើសពេលវេលារៀនឱ្យបានសមស្រប ដើម្បីទទួលបានលទ្ធផលជាទីគាប់ចិត្ត។

ជាធម្មតា ការរំលឹកមេរៀន ការអានសៀវភៅ ឬការងារសិក្សាមួយចំនួន ដែលពាក់ព័ន្ធទៅនឹងការចងចាំ គួរតែធ្វើឡើងនៅពេលព្រឹក ក្រោយការបរិភោគអាហាររួចរាល់។ ថាមពល និងភាពស្វាហាប់ ដែលកើតមានមាននៅពេលព្រឹក នឹងជំរុញឱ្យខួរក្បាលរបស់អ្នកចងចាំបានគ្រប់យ៉ាង និងក្នុងរយៈពេលយូរ។ ចំពោះពេលថ្ងៃវិញ គឺជាដ៏ល្អសម្រាប់បង្កើតភាពច្នៃប្រឌិតថ្មីៗ ត្រង់នេះបានន័យថា ពេលអ្នកសិក្សាមេរៀននៅពេលព្រឹក ហើយអនុវត្តអ្វីដែលអ្នកបានរៀននៅពេលរសៀល។

ជាការពិតណាស់ ការជ្រើសរើសពេលវេលាសិក្សាឱ្យបានត្រឹមត្រូវ មានកត្តាទាំងនេះរួមផ្សំ ៖

ការរៀននៅពេលព្រឹក ៖

• ផ្តោតបានច្រើនលើការសិក្សា ព្រោះអ្នកមានថាមពលពេញលេញ

• ពន្លឺព្រះអាទិត្យជំរុញថាមពលរបស់អ្នកមិនឱ្យងងុយ

• អត់ប៉ះពាល់ដល់ដំណេកនៅពេលយប់

• ចូលរួមបានច្រើនជាមួយមិត្តរួមថ្នាក់

ការរៀននៅពេលយប់ ៖

• ស្ងប់ស្ងាត់ អាចផ្តោតលើការសិក្សាបានល្អ

• មិនមានការរំខានពីបរិស្ថានខាងក្រៅ

• អាចបង្កើតគំនិតច្នៃប្រឌិតច្រើន

• ជួយអ្នកក្នុងការចងចាំអ្វីដែលអ្នកបានធ្វើ

ប្រភព ៖ oxfordlearning