ល្បីថាកាលនៅរៀន តារាទាំងនេះជាសិស្សឆ្នើម កើតមកជាមួយខួរក្បាលវៃឆ្លាតបំផុត

2021-10-25 07:24:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនអ្នកជាអ្នកគាំទ្ររបស់ K-Pop និងតែងតាមដានរាល់សកម្មភាពរបស់តារាៗ នោះអ្នកនឹងបានជ្រាបខ្លះៗហើយ ថាអ្នកណាដែលជាមនុស្សឆ្លាត និងរវាសបំផុតក្នុងការធ្វើកិច្ចការអ្វីមួយ។ ប៉ុន្តែដើម្បីជាការបញ្ជាក់និងជ្រាបបន្ថែមទៀត សូមចំណាយពេលបន្តិច ដើម្បីទៅស្គាល់តារាដែលឆ្លាតជាងគេប្រចាំវិស័យ និងល្បីថាកាលនៅរៀនក៏ជាសិស្សពូកែដែរ៖

១. RM (BTS)

នេះគឺជា បុរសម្នាក់ដែលមានភាពវៃឆ្លាត ជាមួយនឹងកម្រិត IQ ចំនួន ១៤៨។ គ្រាន់តែពិន្ទុ TOEIC របស់លោកគឺដល់ទៅ ៩០០ ដែលជាចំនួនខ្ពស់បំផុត។ និយាយពីខាងភាសាវិញ RM មានដុងខ្លាំង ព្រោះគ្រាន់តែមើលវីដេអូ Sitcom មានចំណងជើងថា «Friends» ក៏ RM អាចចាប់បាន និងនិយាយអង់គ្លេស តុងស្មើជនជាតិដើមទៅហើយ។

២. Seohyun (Girls’ Generation)

នាងគឺជានារីម្នាក់ដែលស្រឡាញ់ការអានខ្លាំង ហើយតាមល្បីមក ជាទូទៅនាងតែងងើបពីគេងតាំងពីព្រលឹម ដើម្បីអានសៀវភៅ មុនចាប់ផ្ដើមធ្វើសកម្មភាពប្រចាំថ្ងៃផ្សេងៗ។

ភាពវៃឆ្លាត បូករួមនឹងចំណេះដឹងពេញខ្លួនទើបនាំនាងក្លាតជា ទូតសុឆន្ទៈរបស់ United Nations Pavilion នៅ Yeoso Expo។ ជីវិតកាលនៅរៀនក៏មិនអន់ ព្រោះទោះបីរវល់នឹងការងារសិល្បៈយ៉ាងណា ក៏ Seohyun ឆ្លៀតក្រេបចំណេះវិជ្ជា និងសម្រេចស្នាដៃបឲត្រចះត្រចង់ទៀត។

៣. Taeyang (BIGBANG)

អ្នកប្រាកដជាភ្ញាក់ផ្អើល បើដឹងពីប្រវត្តិសិក្សារបស់ Taeyang។ ជាការពិត លោកបានដាក់ Submit សារណាចំនួនដល់ទៅ ១០៤ ទំព័រឯណោះ សម្រាប់ថ្នាក់អនុបណ្ឌិតមុខជំនាញ Producing Performances and Images នៅសាលា Daejin University Graduate School of Culture & Arts។

៤. Wendy (Red Velvet)

កាលពីរៀននៅសាលាឯកជន Shattuck-Saint Mary’s នៅ Minnesota សហរដ្ឋអាមេរិក តារាស្រីរូបនេះមិនត្រឹមតែជាសិស្សជាប់តារាងកិត្តិយសទេ ប៉ុន្តែក៏បានឈ្នះពានរង្វាន់ជាច្រើន ពេលចាប់យកមុខវិជ្ជាទាក់ទងនឹងតន្ត្រី។ Wendy ថែមទាំងធ្លាប់បានទទួលពានរង្វាន់ President Education Award ចេញផ្ទាល់ដោយអតីតប្រធានាធិបតីអាមេរិក Barack Obama ទៀតផង។

៥. Eric Nam

លោកបានបញ្ចប់ការសិក្សាពីមហាវិទ្យាល័យ Boston College នៅឆ្នាំ ២០១១ ជាមួយនឹងជំនាញ International Studies និងសិក្សាជំនាញ Asian Studies នៅសាកលវិទ្យាល័យ Peking University នៅចិន។

ឱកាសបានចូលសិក្សានៅសាកលវិទ្យាល័យល្បីៗពិតជាមានច្រើន និងបន្តកន្ទុយគ្នាមកហូរហែ ប៉ុន្តែ Eric ជ្រើសដើរតាមក្ដីស្រមៃលើវិថីសិល្បៈទៅវិញ តបតាមចិត្តស្រឡាញ់។

៦. Sojin (Girl’s Day)

នាងគឺជានារីម្នាក់ក្នុងចំណោម ៨នាក់ ផ្សេងទៀតដែលបានសិក្សាជំនាញវិស្វកម្មមេកានិក នៅសាកលវិទ្យាល័យ Yeungnam។ ក៏មានការឲ្យដឹងថា តារាស្រីរូបនាងមានសមត្ថភាពផ្នែកបញ្ញាមិនធម្មតាឡើយកាលនៅរៀន។

៧. Park Kyung (BLOCK B)

កម្រិត IQ របស់ Park Kyung គឺ ១៥៦ ដែលក៏ជាកម្រិតខ្ពស់គ្គួរឲ្យកត់សម្គាល់ដែរ។ តាមការបង្ហាញកន្លងមក Park Kyung ពូកែខ្លាំងខាងគិតលេខ ទោះមិនមានម៉ាស៊ីនគិត ក៏លោកទៅរួចដោយគ្មានបញ្ហា។

៨. Kyunhyun (Super Junior)

Kyuhyun ត្រូវបានឪពុកម្ដាយឲ្យចូលរៀន ច្បាប់ តែដោយសារចិត្តស្រឡាញ់ ប៉ារបស់លោកក៏ព្រមឲ្យកូនចាប់យកជំនាញផ្នែកតន្ត្រីបន្ថែមនៅសាកលវិទ្យាល័យល្បីមួយកន្លែង។ លោកត្រូេះបានគេទទួលឲ្យចូលរៀនដោយជោគជ័យ ថ្នាក់បរិញ្ញាបត្រជំនាញ Post-Modern Music និងថែមទាំងបន្តដល់ថ្នាក់អនុបណ្ឌិតទៀត។

៩. Xiumin (EXO)

Xiumin បានចាប់យកជំនាញផ្នែកតន្រ្តីសម្រាប់ថ្នាក់អនុបណ្ឌិតនៅសាកលវិទ្យាល័យ Catholic Kwandong University។ សាស្រ្តាចារ្យរបស់លោក បានកត់សម្គាល់ថា កូនសិស្សម្នាក់នេះមិនដែលខកខានកិច្ចការណាមួយឡើយ បើទោះជារវល់នឹងការងារយ៉ាងណាក៏ដោយ ហើយបានចូលរៀនញឹកញាប់កម្រសុំច្បាប់ណាស់។ មិនត្រឹមតែប៉ុណ្ណោះ Xiumin ក៏បានចូលរៀនថ្នាក់ Ph.D នៅសាកលវិទ្យាល័យ Hoseo University ដែរ៕