លោក ផុន រស្មីពេជ្រ សង្ឃឹមកូនក្រុមសំខាន់ៗ៤រូបជាពីរបួសទាន់ HSC ថ្នាក់ជាតិ
- ព្រហស្បតិ៍, 28 តុលា 2021 07:59
- ចំនួនមតិ 0 | ចំនួនចែករំលែក 0
លោក ផុន រស្មីពេជ្រ សង្ឃឹមកូនក្រុមសំខាន់ៗ៤រូបជាពីរបួសទាន់ HSC ថ្នាក់ជាតិ
ចន្លោះមិនឃើញ
គ្រូបង្វឹកក្រុមខេត្តត្បូងឃ្មុំលោក ផុន រស្មីពេជ្រ បានដាក់ក្ដីរំពឹងថាកូនក្រុមសំខាន់ៗរបស់លោកបួនរូប ជាពីរបួសទាន់ការប្រកួតពានរង្វាន់សម្ដេចហ៊ុនសែនថ្នាក់ជាតិដើមខែក្រោយ។
បើតាមសម្ដីរបស់គ្រូបង្វឹកខាងលើដដែល កីឡាករបួនរូបដែលរបួសសុទ្ធសឹងកីឡាករសំខាន់លេងជម្រើសដំបូង សឹក វ៉ាន់ទី, មីន សេតសេន, ម៉ាន ស្លេះ និង យូ សុះហ្វា។
គ្រូបង្វឹកក្រុមរងជើងឯកថ្នាក់ខេត្ត ២០២១ ថ្លែងបែបនេះ ៖«បួននាក់នេះសុទ្ធតែជាកីឡាករសំខាន់ លេង១១នាក់ដំបូង ព្រោះជាឆ្អឹងខ្នងសំខាន់ មានគុណភាព។ កាលវគ្គផ្ដាច់ព្រ័ត្រ បើយើងចាញ់ ក៏មិនអាចចាញ់ច្រើនគ្រាប់អ៊ីចឹងដែរ បើមានពួកគាត់។ វ៉ាន់ទី និងសែតសេន បានមកហាត់វិញហើយ នៅតែស្លេះ និងសុះហ្វា។ ខ្ញុំសង្ឃឹមថា ពួកគាត់នឹងជាទាន់ការប្រកួតថ្នាក់ជាតិដើមខែក្រោយ»។
គួរបញ្ជាក់ថា ចាប់តាំងពីឆ្នាំ២០១៩មក ក្រុមខេត្តត្បូងឃ្មុំបានឡើងដល់វគ្គផ្ដាច់ព្រ័ត្រ ពានរង្វាន់សម្ដេចអគ្គមហាសេនាបតីតេជោ ហ៊ុន សែន ថ្នាក់ខេត្ត៣លើកជាប់គ្នា ពោលឈ្នះជើងឯកនៅឆ្នាំដំបូង និងបានលេខ២ នៅ២រដូវកាលចុងក្រោយ៕