តំឡើងឧបករណ៍ចាប់ល្បឿន យានយន្តនៅផ្លូវជាតិលេខ៦ភ្លាម រកឃើញអ្នកបើកបរដល់ល្បឿន១៥៣Km/h
- 2021-11-04 02:26:45
- ចំនួនមតិ 0 | ចំនួនចែករំលែក 0
តំឡើងឧបករណ៍ចាប់ល្បឿន យានយន្តនៅផ្លូវជាតិលេខ៦ភ្លាម រកឃើញអ្នកបើកបរដល់ល្បឿន១៥៣Km/h
ចន្លោះមិនឃើញ
ក្រុមការងារការិយាល័យត្រួតពិនិត្យ និងវាយតម្លៃសុវត្ថិភាពចរាចរណ៍ នៃនាយកដ្ឋានសុវត្ថិភាពចរាចរណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោក បានចុះធ្វើការតំឡើង និងដំណើរការឧបករណ៍រាប់ចំនួនយានយន្ត និងល្បឿនយានយន្ត នៅតាមបណ្តោលផ្លូវជាតិលេខ៦ ចន្លោះគីឡូម៉ែត្រលេខ ១៥០-១៥១ ដោយមានការចូលរួមសហការពីមន្ត្រីនៃមន្ទីរសាធារណការ និងដឹកជញ្ជូនខេត្តកំពង់ធំ និងលោកស្នងការរងទទួលផែនចរាចរណ៍ នៃស្នងការដ្ឋាននគរបាលខេត្តកំពង់ធំ។
ជាលទ្ធផលក្រុមការងារទទួលបានទិន្នន័យដូចខាងក្រោម៖
១-ចំនួនយានចរាចរណ៍ប្រចាំថ្ងៃជាមធ្យមក្នុងមួយឆ្នាំ (Annual Average Daily Traffic (AADT)) នៅក្នុងទីតាំងនោះគឺ ១៣,៥៣៧ យាន
២-យាន ៤៧.៥% ជាប្រភេទរថយន្តគ្រួសារ និង ២៦.២% ជាម៉ូតូ
៣-ល្បឿនបើកបររបស់យានទាបបំផុត ៨Km/h និងខ្ពស់បំផុត ១៥៣Km/h (ដែលការកំណត់ល្បឿននៅទីតាំងនោះត្រឹម ៤០Km/h ព្រោះជាតំបន់សាលារៀន) ហើយ ៨៥% នៃល្បឿនបើកបរយាននៅទីតាំងនោះគឺ ៧៨.៨៤Km/h៕