ស្ដាប់ ដាវីន បង្ហើរសំនៀងបទ ព្រាប សុវត្ថិ ហើយ នឹកឃើញអនុស្សាវរីយ៍ស្នេហាស្រុកស្រែហ្មង!

2021-11-05 07:19:14
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចម្រៀង Cover ដាវីន បានវិលត្រឡប់មកបំពេរអារម្មណ៍ប្រិយមិត្តតាមរយៈបទលោក ព្រាប សុវត្ថិ វិញទៀតហើយ ក្រោយសប្ដាហ៍មុនបានងាកទៅបំពេរអារម្មណ៍ប្រិយមិត្តរបស់សាពូន មីដាដា រួចមក។

បទចម្រៀងរបស់លោក ព្រាប សុវត្ថិ ដែល ដាវីន លើកមកច្រៀងជាថ្មីទៀតនេះ គឺជាបទល្បីកាលពីប្រមាណ ១០ឆ្នាំមុនមានចំណងជើងថា "គោះទ្វារបេះដូង"។ បទនេះលោកច្រៀងសម្រាប់បេសកកម្មរបស់លោកក្នុងកម្មវិធី "Sabay Sessions 3” ក្នុងសប្ដាហ៍ទី៣។ មិនថាបទនេះ ឬមិនបទមុន ដាវីន សុទ្ធតែធ្វើបានល្អ ដែលបានធ្វើឲ្យប្រិយមិត្តស្លុងអារម្មណ៍ តាមរយៈសំនៀងក្រអួនរបស់លោក។

ហើយតាមរយៈបទក្នុងសប្ដាហ៍ទី៣នេះដែរ ប្រិយមិត្តរឹតដឹងថា ដាវីន គឺជាអ្នកចម្រៀងដែលមានទេពកោសល្យច្រៀងបទចម្រៀងលោក ព្រាប សុវត្ថិ បានយ៉ាងល្អកម្ររកបានមួយរូប។ សំខាន់ជាងនេះ បទ "គោះទ្វារបេះដូង" បាននាំប្រិយមិត្តនឹករលឹកទៅដល់អនុស្សាវរីយ៍ស្នេហាកើតមានកាលនៅស្រុកស្រែម្ដងទៀតហើយ។

តោះ...ទស្សនា និងស្ដាប់ទាំងអស់គ្នា៖

អត្ថបទ៖ ទារិកា