ប្រាក់រង្វាន់២លានជារបស់ មឿន សុខហ៊ុច ឬ សូត្រ ប៊ុនធី បូកពីលើតម្លៃខ្លួនទៀត

2021-12-03 02:44:03
ចំនួនមតិ 0 | ចំនួនចែករំលែក 0

ចន្លោះមិនឃើញ

សង្វៀនប្រដាល់ CNC កម្មវិធីគោជល់ស្អែកដាក់ប្រាក់រង្វាន់២លានរៀលសម្រាប់កីឡាករ មឿន សុខហ៊ុច និង សូត្រ ប៊ុនធី ដើម្បីដណ្ដើមអ្នកឈ្នះបូកនិងតម្លៃខ្លួនប្រកួតនេះទៀតចូលខ្ទង់ ១០០០ដុល្លារហើយ។

អ្នកប្រដាល់សេរីចាស់ មឿន សុខហ៊ុច គឺទើបតែវិលចូលសង្វៀនវិញ២ប្រកួតប៉ុណ្ណោះ ដោយលើកទី១ ឈ្នះពិន្ទុ សូត្រ ប៊ុនធី នេះឯងឯសង្វៀន PNN ទទួលបានប្រាក់រង្វាន់១លានបន្ថែមទៀតផងកាលនោះ។ ប្រកួតទី២របស់គេស្មើពិន្ទុជាមួយ ថៃ រិទ្ធី ប្រកួតដកស្រង់បច្ចេកទេសប្រដាល់សកលនោះទេ។

មើលជាក់ស្ដែងការប្រកួតរបស់ សុខហ៊ុច ថ្មីៗនេះគឺនៅមិនទាន់ល្អ ឬវ៉ៃកាចដូចមុននៅឡើយទេ ពោលស្នៀតទាត់មិនទាន់រហ័សដូចមុន កម្លាំងក៏មិនទាន់ពេញល្អ ចលនាបម្លាស់ទីហាក់នៅស្ពឹករៀងយឺត ប៉ុន្តែទាំងនេះដោយសារតែការខានយូរអាចនឹង២ប្រកួតទៀតដូចដើមវិញ។

កម្មវិធីប្រកួត (រូបភាព Sport Zone)

ចំពោះកីឡាករល្អសាក់ សូត្រ ប៊ុនធី វិញគឺឃើញរូបគេបង្ហាញមុខស្ទើរគ្រប់សង្វៀនតែមិនសូវជួបបញ្ហាសុខភាពប៉ុន្មានទេ យ៉ាងណាការប្រកួតទាំងនោះមិនសូវជាកាកកបឡើយពេលដែលជួបជើងចាស់ដូចជា សោភ័ណ្ឌ សុខហ៊ុច ឬ យ៉េន ឌីណា។ បើទោះជាមិនសូវកាក់កបមែន ប៉ុន្តែមិនអាចមើលស្រាល ប៊ុនធី បានឡើយ ពោលស្នៀតកែង ធាក់ ជង្គង់គឺសុទ្ធតែគ្រោះថ្នាក់ទាំងអស់ប្រសិនត្រូវពេញៗនោះ។

រង់ចាំមើលទាំងអស់គ្នា សុខហ៊ុច ឬ ប៊ុនធី ជាអ្នកយកថវិកា ២លាននេះនៅថ្ងៃស្អែកលើសង្វៀន CNC។ ការប្រកួតនេះចាប់ផ្ដើមពីម៉ោង ៦ល្ងាចតទៅ៕

អត្ថបទ៖ នួន ស៊ីណា