យប់ហើយមិនគេង ទៅនឹកឃើញ Ex ផង កាតុ និងរ៉ូលីនផង តាប៊ុយទាញទូរសព្ទ Live និយាយដើមព្រាត

2021-12-19 03:07:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ដូចប្រិយមិត្តបានជ្រាបស្រាប់ថា ប៉ុន្មានថ្ងៃមុន VJ តាប៊ុយ បានបង្កគ្រោះថ្នាក់កើតជាហេតុការណ៍ប៉ះទង្គិចលើផ្លូវ ស្របពេលខ្លួនកំពុងមានជាតិស្រវឹងជោគខ្លួន។

ដោយសារបញ្ហានេះមហាជនជាច្រើនកាន់តែបន្ថែមការចាប់អារម្មណ៍មកលើលោក ហើយខ្លះក៏មានការបារម្ភហូរហែ និងចង់ដឹងរឿងបន្ថែមហូរហែ។ ទោះជាយ៉ាងណាកាលពីយប់មិញ (ថ្ងៃទី១៨ ខែធ្នូ ឆ្នាំ២០២១) តារាប្រុសរូបនេះបាន Live ជជែកផ្ទាល់ជាមួយនឹងអ្នកគាំទ្រ ព្រោះលោកថាពិបាកចិត្ត ហើយមានតែអ្នកគាំទ្រទេ ដែលជួយសម្រាលទុក្ខខ្លះ។

បង្ហាញមុខក្នុងវីដេអូ Live យប់មិញនេះ មិនមែនតាប៊ុយ ពិបាកចិត្ត គេងមិនលក់ដោយសារតែរឿងគ្រោះថ្នាក់ចរាចរណ៍ទេ ប៉ុន្តែលោកនឹកឃើញរឿងរ៉ាវកន្លងជាមួយនឹងសង្សារចាស់ ដែលល្អពេក ហើយទោះបីពួកលោកចែកផ្លូវគ្នា ប៉ុន្តែអំពើល្អរបស់នាងទាំងប៉ុន្មាននៅតែដក់ក្នុងចិត្តរហូតធ្វើឲ្យលោកវិលវល់ ស្ដាយនិងបំភ្លេចមិនបាន។

និយាយមិនបានប៉ុន្មានផង តាប៊ុយក៏ស្រាប់តែនឹកឃើញដល់ អ្នកនាងកាតុ និង រ៉ូលីន។ ផ្ដើមដំបូងពិធីកររូបនេះថា លោកមិនចូលចិត្តអ្នកទាំង ២ទេ កាលស្គាល់ភ្លាម ប៉ុន្តែធ្វើការជាមួយគ្នាយូរៗទៅ ទើបដឹងថា អ្នកនាងកាតុ និងរ៉ូលីន គឺជាមនុស្សដែលល្អបំផុត។

តាប៊ុយ ថា៖ «ខ្ញុំនិយាយអស់ពីចិត្ត ខ្ញុំអត់ចូលចិត្តបងតុហ្មង ព្រោះគាត់ចូលចិត្តនិយាយអាសអាភាស ឬមាត់ដាច ប៉ុន្តែដល់ពេលយើងបានស្គាល់យូរៗទៅទើបដឹងថាបងតុ និងប្ដីគាត់ពិតជាមនុស្សល្អមែន»។

ងាកចូលរ៉ូលីនវិញ តាប៊ុយថា៖ «កាលដំបូងខ្ញុំអត់ចូលចិត្តយាយប៉ិរ៉ូលីន ត្រង់ពូកែរអ៊ូ។ មាត់ថាមិនចូលចិត្តនេះនោះ តែដៃធ្វើជាប់ ហើយប្រឹងទៀត។ ជាមនុស្សកាចមែន តែចិត្តទន់ណាស់ ហើយពេលមានរឿងអីសួរនាំរហូត»។

បន្ថែមជាសរុប ពិធីករជិះឡាន Range Rover រូបនេះថា លោកហ៊ានធានាថា អ្នកទាំង ២ ជាតារាដែលល្អ មានសមត្ថភាព ធ្វើការចេញពីបេះដូង ហើយគួរឲ្យគោរពស្រឡាញ់ ហេតុនេះទើបទាំងអ្នកនាងកាតុ និងរ៉ូលីន រីកចម្រើនទៅមុខលើវិថីសិល្បៈ។ ពេលបានឃើញមិត្តទាំង ២ ទទួលលទ្ធផលបែបនេះ តាប៊ុយពិតសប្បាយចិត្ត ហើយស្រឡាញ់ពួកគេប្រៀបដូចជាគ្រួសារដែរ៕