ស្លុតចិត្ត បងរបស់ ជា វណ្ណារិទ្ធ ឈឺមិនដល់១ខែ ទីបំផុតបាត់បង់ជីវិតទៅហើយ!

2022-01-10 14:35:01
ចំនួនមតិ 0 | ចំនួនចែករំលែក 0

ចន្លោះមិនឃើញ

បងប្រុសរបស់ពិធីករទូរទស្សន៍ លោក ជា វណ្ណារិទ្ធ ឈ្មោះ ជា ដេវីដ ដែលជាអតីតតារាចម្រៀងមួយរូបនោះ បានបាត់បង់ជីវិតទៅហើយនៅព្រលប់នេះ។

សារនេះលោក ជា វណ្ណា បានបញ្ចេញនៅលើបណ្ដាញសង្គមរបស់លោក ជាមួយរូបថតប៉ុន្មានសន្លឹកប្រាប់ទៅសាច់ញាតិជិតឆ្ងាយ និងប្រិយមិត្ត។ អ្វីដែលគួរឲ្យសង្វេគនោះ គឺបងប្រុសរបស់លោក ដែលមុននេះមានសាច់ឈាមធាត់ទ្រលុកទ្រលន់ ស្រាប់តែធ្លាក់ខ្លួនឈឺរយៈពេលខ្លីសោះ ប្រែរូបរាង ស្គមកំប្រឹង មើលហើយគួរឲ្យសង្វេគ។

"ដោយក្តីអាឡោះអាល័យ អាណិតបំផុត ចុងឆ្នាំ2021 និង ដេីមឆ្នាំ2022 គាត់ហូបលែងបាន ទឹកលែងចូល រហូតស្គមរីងរៃ ពេលនេះបងប្រុសខ្ញុំ ដែលបងប្អូនធ្លាប់ស្គាល់ជាអតីតតារាចម្រៀង ជា ដេវីត បានទទួលមរណៈភាពហេីយ!”។

តាមពិធីករទូរទស្សន៍រូបនេះ បងប្រុសរបស់លោកត្រូវបានរុកគួនដោយជំងឺ។ ប៉ុន្តែយ៉ាងណា លោកមិនបានបញ្ចេញលម្អិតថា សាច់ញាតិជិតដិតលោករូបនេះ មានជំងឺពិតប្រាកដនោះឡើយ។ ប្រិយមិត្តជាច្រើន បាន និងកំពុងចូលទៅលើកទឹកចិត្ត និងផ្ញើសាររំលែកទុក្ខលោក និងក្រុមគ្រួសារ៕