អាចនិយាយបានថាវាពិតជាកម្រខ្លាំងមែនទែនសម្រាប់តារាសម្ដែងឆ្នាស់ឆ្នើមអ្នកនាង ឌី សូនីតា ដែលនាងហ៊ានបើកបង្ហាញមុខមាត់ពិតនារីរូបសម្រស់ម្នាក់ដែលតែងតែគោរពស្រលាញ់ឱ្យតម្លៃខ្លាំងបំផុតតាំងតែពីរាប់អានគ្នា។

ជាក់ស្ដែងកាលពីថ្មីៗនេះគណនីហ្វេសប៊ុកផ្លូវការរបស់តារាសម្ដែងស្រីល្បីឈ្មោះរូបនេះបានបង្ហើបទៅកាន់មហាជនដោយលើកឡើងថាអតីតសិល្បការិនី ម៉ៅ ចំណាន ដែលបច្ចុប្បន្នអ្នកនាងមានងារជាជំទាវ ស្រីតូច ចំណាន បន្ទាប់ពីរៀបអាពាហ៍ពិពាហ៍ជាមួយមហាសេដ្ឋីស្រុកខ្មែរគឺជាស្ត្រីមានទឹកចិត្តសន្ដោសប្រណីទៅដល់មនុស្សជុំវិញខ្លួន ស្រលាញ់រាប់អានជានារីដែលតារាសម្ដែង ឌី សូនីតា ស្រលាញ់ខ្លាំងបំផុត។

ឌី សូនីតា បានធ្វើការ Share រូបភាពចាស់មានរយៈពេល៦ឆ្នាំកន្លងដោយបានពោលសរសើរ ជំទាវ ស្រីតូច ចំណាន មិនដាច់ពីមាត់យ៉ាងដូច្នេះថា៖ “៦ years ago with my idol នារីចិត្តធ្ងន់”។

រម្លឹកផងដែរថា ជំទាវស្រីតូច ចំណាន គឺជាអតីតសិល្បការិនី ដែលមានកេរ្ដិ៍ឈ្មោះល្បីល្បាញ និងមានរូបឆោមស្រស់ស្អាតខ្លាំងបំផុត ក្នុងអំឡុងទសវត្សឆ្នាំ២០០០៕