មិនស្រួលទេលោកអើយ! ក្រៅពីទម្រាំចេញបាន MV មួយបទ កុសុម៉ា សឹងសន្លប់កណ្ដាលទី

2022-01-14 07:11:44
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូបទចម្រៀងដែលមានចំណងជើងថា «វាតែប៉ុណ្ណឹង» របស់ សុភ័ក្ត្រ កុសុម៉ា បានចេញផ្សាយជាផ្លូវការតាំងពីថ្ងៃទី១២ ខែមករា ឆ្នាំ២០២២ ដោយមានការចូលរួមសម្ដែងពីមិត្តភ័ក្តិរបស់នាងជាច្រើននាក់។

ចំនួនអ្នកចូលមើលក៏ច្រើនគួរសម ដោយនៅលើ Facebook មានចំនួន View ដល់ទៅ 110K និង YouTube មានអ្នកចូលមើល 57K ដងគិតត្រឹមថ្ងៃនេះ ក្រោយពីថ្ងៃចេញផ្សាយ។

ដោយឡែកនៅថ្ងៃនេះ កុសុម៉ា ដល់ពេលត្រូវបង្ហាញពីសកម្មភាពក្រៅឆាកម្ដង ពីការថត MV មួយនេះ។ MV មានរយៈពេលត្រឹម ៥:៤៨នាទីVប៉ុណ្ណោះ ប៉ុន្តែមុនចេញជារូបរាង ទាំងកុសុម៉ា និងក្រុមការងារទាំងអស់ចំណាយពេលច្រើន ហត់កាយលំបាកមិនធម្មតា ប៉ុន្តែពួកគេនៅតែតស៊ូទាំងយប់ ទាំងថ្ងៃ ដើម្បីធ្វើយ៉ាងណាចេញសមិទ្ធផលឲ្យបានល្អ។

សុភ័ក្ត្រ កុសុម៉ា បានលើកឡើងថា៖ «ទំរាំបានមួយបទនេះគឺថាក្រុមការងារលំបាកហើយ ក្តៅក៏ក្តៅ ហត់ក៏ហត់ សំខាន់ត្រូវថតដល់យប់ ហើយមិនមានពេលសំរាកគ្រប់គ្រាន់នោះទេ» ព្រមទាំងអរគុណដល់ Athika និងក្រុមការងារថតទាំងអស់ ដែលដុតដៃដុតជើងក្នុងការងារមួយនេះ។

ទស្សនារូបភាពក្រៅឆាកទាំងអស់ដូចខាងក្រោម៖