កំពូលអ្នកគាំទ្រ Oli London លែងប្ដីចាស់ (ផ្ទាំងរូប Jimin) មកជាប់ស្នេហ៍ Crush ថ្មីតារា TikTok

2022-02-04 03:11:58
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលអ្នកគាំទ្រមហាស្មោះស្ម័គ្រដែលបានចំណាយលុយរាប់ពាន់ដុល្លារ ដើម្បីឲ្យមុខដូច Jimin (BTS) បានសម្រេចបែកបាក់ពីស្នេហ៍ចាស់ ដែលជា ផ្ទាំងរូប Jimin ហើយ។

Oli London គឺជាបុគ្គលល្បីឈ្មោះមួយរូបដែរប្រចាំបណ្ដាញសង្គម ហើយក៏មានមុខជារឿយៗក្នុងកម្មវិធីជាច្រើន ដោយបើកបង្ហាញពីក្ដីស្នេហ៍ដែលមានចំពោះ Jimin ដល់ថ្នាក់ហ៊ានចំណាយលុយរាប់ពាន់ដុល្លារលើការវះកាត់កែសម្រស់។

ជាក់ស្ដែង រឿងដែលគួរឲ្យភ្ញាក់ផ្អើលបំផុតនោះគឺ កាលពីឆ្នាំ ២០២០ Oli បានប្រកាសពីមង្គលការខ្លួនជាមួយនឹង ផ្ទាំងរូប (Cardboard) របស់ Jimin នៅ Las Vegas រដ្ឋ Nevada សហរដ្ឋអាមេរិក។ Oli បាននិយាយថា៖ «Jimin គឺជា Idol របស់ខ្ញុំ ខ្ញុំបានចំណាយលុយច្រើនណាស់ ដើម្បីឲ្យមើលទៅដូចគាត់ ហើយពេលនេះខ្ញុំថែមទាំងបានរៀបការជាមួយ Jimin ទៀត។ ខ្ញុំមិនទាំងដឹងថាតើគួរធ្វើអ្វីទៀតពេលនៅក្បែរគាត់បែបនេះ! នេះជាពេលដែលរីករាយបំផុតក្នុងជីវិតខ្ញុំ»។

ទោះជាយ៉ាងណា ២ឆ្នាំកន្លងផុត Oli London ក៏បានដាក់ពាក្យលែងលះជាមួយនឹង ផ្ទាំងរូប Jimin។ ដោយបានបង្ហោះពាក្យលែងលះលើ Twitter ទៀត អមជាមួយនឹងរូបភាពអង្គុយលើកដៃសំពះទៀត។

ស្ថិតក្នុងវីដេអូក្នុង YouTube បុគ្គលរូបនេះបានបញ្ជាក់លម្អិតពីការសម្រេចចិត្តលែងលះ ផ្ទាំងរូប Jimin ថា៖ «កាលពី ២ឆ្នាំមុន ចាប់តាំងពីខ្ញុំ និង ផ្ទាំងរូប Jimin រៀបការជាមួយគ្នាមក ខ្ញុំបានទទួលនូវពាក្យរិះគន់ និងការស្អប់ច្រើនខ្លាំង ឈឺចាប់បំផុត! អ្នកដឹងអត់? អ្នកស្អប់ទាំងលានៗនាក់»។

ក្រោយសម្រេចលែងលះពី ផ្ទាំងរូប Jimin ពេលនេះ Oli បានចាប់អារម្មណ៍អ្នកថ្មីទៀតហើយ។ នោះគឺជា Crush ថ្មីអាយុ ២០ឆ្នាំ ជាតារាបណ្ដាញសង្គម ឈ្មោះ Vlad Hoshin។ យុវជនរូបនេះមានអ្នកតាមដានលើ Instagram ដល់ទៅ ១,៩លាននាក់ និងអ្នកតាមដាន TikTok ចំនួន ៩,៩លាននាក់៕