សហព័ន្ធកីឡាសូហ្វតេន្នីស ផ្លាស់ប្ដូរប្រធានថ្មីអាណត្តិទី៣ ឆ្នាំ២០២២-២០២៦
- 2022-02-05 13:43:46
- ចំនួនមតិ 0 | ចំនួនចែករំលែក 0
សហព័ន្ធកីឡាសូហ្វតេន្នីស ផ្លាស់ប្ដូរប្រធានថ្មីអាណត្តិទី៣ ឆ្នាំ២០២២-២០២៦
ចន្លោះមិនឃើញ
សហព័ន្ធកីឡាសូហ្វតេន្នីសកម្ពុជា បានផ្លាស់ប្ដូរប្រធានថ្មីហើយនៅអាណត្តិថ្មីទី៣នេះ ដោយឯកឧត្ដម ជា ប៊ុនហេង ឡើងជាប្រធានដឹកនាំបន្តពីសម្ដេចក្រឡាហោម ស ខេង ពីឆ្នាំ២០២២ ដល់ ២០២៦។
ការផ្លាស់ប្ដូរប្រធានថ្មីនេះដែរឯកឧត្ដម ជា ប៊ុនហេង បានឲ្យដឹងថា ដោយសារតែសម្ដេចក្រឡាហោម ស ខេង មើលឃើញថាសហព័ន្ធសូហ្វតេន្នីសមានសមត្ថភាពគ្រប់គ្រាន់រឹងមាំទាំងការដឹកនាំ និងបច្ចេកទេសដូច្នេះសម្ដេចសុំដកខ្លួនសម្រាកទុកភារកិច្ចដល់មន្ត្រីក៏ដូចជាក្រុមការងារលោកគ្រូអ្នកគ្រូធ្វើបន្ត។
ក្នុងនាមជាប្រធានឯកឧត្ដម ជា ប៊ុនហេង បានប្ដេជ្ញានឹងខំប្រឹងប្រែងដឹកនាំសូហ្វតេន្នីសឲ្យរឹតតែរីកចម្រើនបន្ថែមទៀតទាំងការពង្រឹងសមត្ថភាពកីឡាករ កីឡាការិនី និងការផ្សព្វផ្សាយឲ្យផុលផុសដល់មហាជនផងដែរ។ ជាពិសេសការពង្រឹងសមត្ថភាពឆ្ពោះទៅរកភាពជោគជ័យទទួលបានមេដាយមាសតាមផែនការដាក់មកនៅស៊ីហ្គេម ឆ្នាំ២០២៣។
រំលឹកដែរថា សហព័ន្ធកីឡាសូហ្វតេន្នីសកម្ពុជា បានមហាសន្និបាតបញ្ចប់អាណត្តិចាស់ទី២ និងលើកទិសដៅអាណត្តិទី៣ ឆ្នាំ២០២២ ដល់ ២០២៦ កាលពីថ្ងៃទី៤ ខែកុម្ភៈ នៅទីលានវ៉ៃសីក្រោយព្រះបរមរាជវាំង។ អាណត្តិថ្មីនេះប្រធានគឺឯកឧត្ដម ជា ប៊ុនហេង អគ្គលេខាធិការឧត្តមសេនីយ៍ត្រី ជា សែនវិស្សុត អគ្គហេរញ្ញិក អេង ចំរើន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
