Aguero ជេរទៅកាសែត រិះគន់ Messi លេងអន់ ស៊ុតប៉េណាំងទីមិនកើត ក្នុងប្រកួតទល់នឹង Real

2022-02-17 12:02:48
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតខ្សែប្រយុទ្ធ Sergio Aguero បានជេរទៅកាន់កាសែតបារាំងមួយចំនួន ដែលបានរិះលើ ខ្សែប្រយុទ្ធ Lionel Messi ដែលថាគេលេងអន់និង ស៊ុតប៉េណាំងទីមិនចូលជាដើម ក្នុងប្រកួតរវាងក្លឹប Paris Saint Germain តទល់នឹងក្លឹប Real Madrid ក្របខ័ណ្ឌ UEFA Champions League កាលពីម្សិលមិញ។

Aguero បាននិយាយក្នុងថ្ងៃនេះថា៖" Leo គេលេងបានល្អហួសព្រំដែនរបស់គេទៀតណោះ។ ខ្ញុំមិនមែននិយាយបែបនេះដោយសារគេជាសម្លាញ់របស់ខ្ញុំនោះទេ តែនេះដោយសារតែគេលេងបានខ្លាំងមែន គេធ្វើបានល្អ និងសកម្មមែនទែន "។

កីឡាករបន្តថា៖" នៅបារាំង កាសែត និងទស្សនាវដ្ដីមួយចំនួនចេញមកដូចចង់សម្លាប់អាជីពគេអញ្ចឹង។ ពួកហ្នឹងគឺពួកអាអាច*។ តាមពិតខ្ញុំត្រូវមានកិច្ចសម្ភាសន៍ជាមួយកាសែតបារាំងមួយ ក៏ប៉ុន្តែខ្ញុំបដិសេធវិញ ដោយសារតែខ្ញុំគាំទ្រ Messi អញ្ចឹងនៅខណៈនេះខ្ញុំខឹងនឹងពួកហ្នឹង ចាំពេលក្រោយបានខ្ញុំព្រមសម្ភាសន៍ជាមួយ "។

នៅក្នុងការប្រកួតខាងលើ Mbappe ជាអ្នករកគ្រាប់បាល់បានមួយគ្រាប់ ដែលជួយឲ្យ PSG ឈ្នះ Real ក្នុងការប្រកួត UCL វគ្គ១៦ក្រុម ជើងទី១មួយនេះ៕

ប្រភព៖ Goal អត្ថបទ៖ សេរី មង្គល