ម៉ូតូ Honda Dream ឬ អាសង់ បាន​ចេញ​លក់​ដល់​សេរី​ឆ្នាំ២០២២ ជា​មួយ​ការ​កែប្រែ​ចំណុច​ខ្វះខាត​មួយ​ចំនួន​ប៉ុណ្ណេះ ប៉ុន្តែ​បើ​និយាយ​ពី​រូប​រាង ម៉ាស៊ីន ១២៥ សេសេប្រើចង្កឹះលេខប្រព័ន្ធលេខ ៤ លេខ(លេខវិល) ដដែល ប្រព័ន្ធហ្រ្វាំ គឺ​ដូច​ទៅ​និង​ស៊េរី​មុន​ៗ​ដដែល។

សម្រាប់​សេ៊រីឆ្នាំ២០២២ នេះ​មាន​តែម​ប្លែកជាងស៊េរីមុនៗដោយមានតែមសងខាងនៃផ្នែកខាងមុខ និងរចនាឡើងដោយបន្ទះមាសប្រណិតបំផុតរំលេចដោយផ្ទៃរចនាដោយចំណិតពេជ្រ និមិត្តសញ្ញា NCX ពណ៌មាស និង​មានពាក្យស្លោកមកជាមួយថា«FOREVER GLORY» រចនាដោយបន្ទះមាសប្រណិតបំផុត និងចំណិតពេជ្រល្អឥតខ្ចោះ ផុសឡើងយ៉ាងត្រដែត។

បច្ចុប្បន្នតាម​ប្រភព​ពី​ហាង​លក់​ម៉ូតូ​នៅ​ម្ដុំ​គិរី​រម្យ កំពុង​ដាក់​លក់​មាន​តម្លៃ​ខ្ទង់​ប្រមាណជា ២ ២៥០ដុល្លារ។ ចំពោះ​មួយ​ទឹកវិញ តាម​ប្រភពពីអ្នក​លក់ប្រាប់ ​អាច​មានតម្លៃទាបជាង​និង​ខ្ទង់ ១០០ ទៅ ២០០ដុល្លារ អាស្រ័យ​លើ​គុណភាព។ សម្រាប់ អាសង់ ស៊េរី​ឆ្នាំ២០២២ នេះមានជម្រើសពណ៌ ខ្មៅ ពណ៌ស និងពណ៌ក្រហម៕

ដោយ​សារ​អាសង់​បាន​ចេញ​លក់​នៅ​លើ​ទីផ្សារ​ជា​ច្រើន​ខែ​មក​ហើយ ដូច​នេះ​តម្លៃ​នេះ​ក៏​អាច​មាន​ការ​ប្រែប្រួល​ខុសគ្នាតិច​តួច​​នៅ​តាម​ហាង។

អត្ថបទ៖ ម៉េងងី