នៅថ្ងៃទី០៤ ខែមីនា ឆ្នាំ២០២២ លោកស្រី Panida Siriyudthayothin បាន​បង្ហាញ​វត្តមានជាពិសេសក្នុងកម្មវិធី Hone Krasae ដែល​មាន​ Noom Kanchai ជាពិធីករ ដោយបាន​ផ្ដល់បទសម្ភាស​រយៈពេល​ ១ម៉ោងជាង។

បង្ហាញមុខក្នុងកម្មវិធីពេល​នេះ អ្នកស្រីដែល​ជាម្ដាយ​របស់ Tangmo Nida បាន​លើកយកយករឿងជាច្រើនមកស្រាយជម្រះមន្ទិល។ ប៉ុន្តែអ្វី​ដែល​គ្រប់គ្នាភ្ញាក់ផ្អើល​នោះគឺ អ្នកម្ដាយរូបនេះ​បាន​សម្ដែង​ការមិនពេញចិត្តនឹង​អ្វី​ដែល​ Hippo និង​ក្រុមមិត្តភ័ក្តិរបស់កូនស្រី​ធ្វើឡើយ។

ក្នុងនោះ​ អ្នកស្រី​បាន​បញ្ជាក់ឲ្យដឹងថា នៅថ្ងៃកើតហេតុ ភ្លាមៗស្រាប់តែមានអ្នក​ទាក់ទងមក​ថា​ ចេញពីកន្លែង​អ្នកកាសែត ហើយទៅកន្លែងមួយ ដើម្បីជួបជាមួយនឹង​បុគ្គលសំខាន់ ក៏ដូចជា Tangmo។

ភ្លាមៗអ្នកស្រី​ក៏ចេញទៅ ប៉ុន្តែមិនបាន​ឃើញកូនទេ មានតែ Hippo និងមិត្តភ័ក្តប៉ុន្មាននាក់ទៀត។ ការដែល​ពួកគេធ្វើបែប​នេះ​ គឺចង់ប្រាប់​ថា​ កុំផ្ដល់ព័ត៌មាន​ឲ្យក្រុមអ្នកកាសែត ស្រាប់តែអ្នកស្រីខឹងភ្លាម ព្រោះនេះគឺកូនបាត់ទាំងមូល តើឲ្យខ្លួនដែលជាម្ដាយស្ងាត់យ៉ាងដូចម្ដេចទៅ?

ក្រោយមក Hippo និង Anna ក៏បាន​ Clear ហេតុផលជាមួយនឹង​អ្នកស្រីដែរ ហើយ​ក៏បាន​សម្រួល​គ្នាដែរ ប៉ុន្តែម្ដាយរូបនេះ​គ្រាន់តែវា​ដូចជាមិនសមទាល់តែសោះ ដូចជាមានអ្វីបិទបាំង។

សរុបមកមកទល់ពេលនេះ ពួកគេ (Anna និង Hippo) បាន​សុំទោសអ្នកម្ដាយជា​ថ្មីហើយ ប៉ុន្តែពេល​ពិធីករសួរថា​អភ័យទោសឲ្យ Hippo ដែរហើយត្រូវទេ? អ្នកស្រី​តប៖ «សម្រាប់ Hippo អត់ទោសឲ្យតែ ៥០ភាគរយទេ»។

មូលហេតុ ក៏ព្រោះ​តែ អ្នកស្រី ឃើញ Hippo ផ្ដល់ព័ត៌មាន​ជារឿយៗទាក់ទងនឹង​ករណីស្លាប់របស់ Tangmo ដូច្នេះ​ខ្លួនមិនយល់ដែរថា តើមិត្តកូនស្រីរបស់ខ្លួនរូបនេះ​ ផ្ដល់ព័ត៌មានក្នុងឋានៈអ្វី?

ចំណុចផ្សេងទៀតគឺ ទាក់ទងនឹង​ពិធីបុណ្យសព Tangmo, Hippo ត្រូវ​សួរអ្នកម្ដាយសិន មុនទៅផ្ដល់ព័ត៌មាន ព្រោះ​ជា​ពិធីធំ។ទោះបីនាមជាមិត្តមែន ប៉ុន្តែគួរសួរអ្នកស្រីសិន ព្រោះ​ពេល​នេះ អ្នកស្រីជាអ្នកចាត់ចែងរឿងមរតករបស់កូន។

ពិធីករក៏លាន់មាត់ដែរ​ពេលឮ ម្ដាយ Tangmo និយាយថា លើកទោសឲ្យ Hippo តែ ៥០ភាគរយ តែអត់ឱនឲ្យ Po ទាំងស្រុង ដូចគ្នាគ្រប់គ្នាប្រាកដជាវង្វេងបន្តិចហើយ។ មូលហេតុពីក្រោយក៏ព្រោះ​អ្នកស្រីពេញចិត្តនឹង​ចរិតរបស់ Po ដែលបង្ហាញចេញមកសុភាពត្រឹមត្រូវ ហើយបានចេញចាត់ចែងរឿងរ៉ាវមួយចំនួនក្នុងការរកសព និងពិធីបុណ្យផងដែរ៕

អត្ថបទ៖ យី សុធារី