តារាថៃមិនតិចនាក់នោះទេ​បាន​ចេញ​មុខ​បង្ហាញប្រតិកម្ម ដោយអ្នកស្រី Panida Siriyudthayothin ដែលជាម្ដាយបង្កើត Tangmo Nida បានទទួលបានការចាប់អារម្មណ៍កាន់តែខ្លាំង​ ពេលចូលរួមផ្ដល់បទសម្ភាសក្នុងកម្មវិធី Hone Krasae ជាមួយនឹង​ Noom Kanchai កាលពីថ្ងៃទី០៤ ខែមីនា ម្សិលមិញ។

ក្រោយកម្មវិធីចប់ ឈ្មោះ​របស់អ្នកស្រីស្រាប់​តែឡើង​Trending ពេញ​បណ្ដាញសង្គម ស្របពេល​ឆ្លើយសំណួរមួយចំនួន ធ្វើឲ្យគ្រប់គ្នា​សម្ដែង​ការ​សោកស្តាយ បូករួមទាំងតារាៗផងដែរ។ ​

អ្នកម្ដាយរបស់ Tangmo បាន​និយាយថាខ្លួនព្រម​លើកទោសឲ្យ Hippo ដែលជាមិត្តល្អរបស់កូន ត្រឹម​តែ ៥០ភាគរយ ទេ។ មូលហេតុអន់ចិត្ត ក៏ព្រោះពេល​នាង​ហាម​អ្នកស្រីមិនឲ្យផ្ដល់ព័ត៌មាន​ច្រើនទៅអ្នកកាសែត តែខ្លួន​បែរជាហ៊ានបង្ហាញព័ត៌មានទូទៅតាំងពីការចាត់ចែងបុណ្យសពជាដើម រំលងអ្នកស្រីដែលជាម្ដាយ។ អ្នកស្រី Panida មិនពេញ​ចិត្តនឹងទង្វើនេះទេ ហើយបើទោះដោះស្រាយលើកហេតុផលរួច ក៏អ្នកស្រី​នៅ​មិនទាន់ស្រឡះចិត្តដែរ។

ចំណែកហាយសូ Poh វិញ អ្នកស្រី​ហ៊ានលើកទោសឲ្យដល់ទៅ ១០០ភាគរយ ក៏ព្រោះគិតថាបុរសម្នាក់នេះ​ជាមនុស្សសុភាព ត្រឹមត្រូវ មានទំនួលខុសត្រូវ និងមាន​ចេតនា​សុំទោស ក៏ដូចជាចង់ជួយអ្នកស្រីពិតប្រាកដ។ លើសពីនេះ​លោក​ថែម​ទាំងចង់ជូនអ្នកស្រីដល់ទៅ ៣០លានបាត (ខ្ទង់ ៩១៧ ៨៨០ដុល្លារ) ថ្លៃជំងឺចិត្តសម្រាប់ការបាត់បង់ Tangmo។

ក្រោយដឹងហេតុផលទាំងនេះ​ហើយ បណ្ដាតារាៗជា​ច្រើន​នាក់​បាន​សម្ដែង​ការខកចិត្ត និង​គិតថាមិនសម​រឿងទៅជាបែប​នេះសោះ។ ឯអ្នក​ដែល​បាន​បង្ហោះប្រតិកម្មរបស់ខ្លួន ដោយខ្លះ បង្ហាញអារម្មណ៍ពិត ខ្លះអរគុណម្ដាយបង្កើតខ្លួនដែលគិតកូន និងមិនយកទឹកលុយជាធំ លើ Instagram រួមមាន៖

ទោះជាយ៉ាងណារឿងនេះ​ អាច​នឹង​មាន​អ្វីពីក្រោយដែលមិនអាច​ឲ្យគ្រប់គ្នាចាប់ភ្លឹក ថាភ្លាមៗមាន​អ្វីកើតឡើង។ មាន​ការការពិតនៅចុងបញ្ចប់ចេញពីមាត់ប៉ូលីសទេ ទើប​អាច​ធ្វើឲ្យគ្រប់គ្នាដឹងរឿងគ្រប់យ៉ាងបាន៕