ទាំងនេះជាទ្រព្យមហាសាល Abramovich ដៃស្ដាំពូទីន យកចេញពីអង់គ្លេសទាន់ មុនគេរឹបអូស

2022-03-11 02:09:12
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Roman Abramovich ម្ចាស់ក្លឹប Chelsea ដែលជាមនុស្សជំនិតមួយរូបរបស់ប្រធានាធិបតីរុស្ស៊ីត្រូវបានរដ្ឋាភិបាលអង់គ្លេសសម្រេចធ្វើការដាក់ទណ្ឌកម្ម ដោយបង្កកទ្រព្យសម្បត្តិរបស់លោកទាំងអស់និងបង្កកការចរាចរណ៍លុយនៅក្នុងប្រទេសមួយនេះ ព្រមទាំងហាមឃាត់ការធ្វើដំណើរ មកកាន់អង់គ្លេសនេះថែមទៀតផង។

សេដ្ឋីខាងលើនេះត្រូវបានគេដឹងថាមានទ្រព្យសម្បត្តិសរុបប្រមាណជា១០ពាន់លានផោន ហើយភាគច្រើននៃរបររបស់លោកត្រូវបានរដ្ឋាភិបាលរុស្ស៊ីលើកលែងពន្ធទាំងអស់។ ដោយសារតែសង្គ្រាម លោក Abramovich ក៏ដឹងខ្លួនខ្លះដែរថានឹងត្រូវគេដាក់ទណ្ឌកម្មមិនខាន ទើបលោកសម្រេចដាក់លក់របស់របរ និងក្លឹប Chelsea ចោលដែរ តែស្ដាយលក់មិនទាន់ដាច់ផង អង់គ្លេសប្រកាសដាក់ទណ្ឌកម្មលែងឱ្យលក់ទៅហើយ។

នៅពេលនេះទាំងមុខរបរនៅអង់គ្លេស និងទ្រព្យសម្បត្តិនានារួមទាំងផ្ទះផងនោះ ត្រូវបានរដ្ឋាភិបាលអង់គ្លេសលែងឱ្យលក់ហើយ និងស្ថិតក្រោមការគ្រប់គ្រងរបស់រដ្ឋវិញ។ បើតាមការប្រកាសដូចជាក្លឹប Chelsea ជាដើម អាចរកម្ចាស់ថ្មីបាន តែលុយលក់បានត្រូវចូលទៅរដ្ឋាភិបាល និងមួយផ្នែកចូលគណគ្រប់គ្រងក្លឹបនៅអង់គ្លេស។ ដោយការដាក់ទណ្ឌកម្មនេះ ស្ទើរតែធ្វើឱ្យលោក Abramovich អស់ពីខ្លួនដែរទៅហើយ ព្រោះលោករស់នៅក្រុងឡុង និងមានរបស់របរច្រើនណាស់នៅទីនេះ។