កំពុងឡើងខ្លាំងផ្ដួលដៃគូសឹងគ្រប់សង្វៀន! តោះមកដឹងពីប្រវត្តិ ពេជ្រ សម្បត្តិ

2022-03-23 03:03:25
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករ ពេជ្រ សម្បត្តិ មានឈ្មោះដើម ភឿន សម្បត្តិ អាយុ ២១ឆ្នាំ កើតនៅ ភូមិកណ្ដោល ឃុំពោធិ៍អង្ក្រង ស្រុកបរសេដ្ឋ ខេត្តកំពង់ស្ពឺ។ អ្នកលេងកណ្ដាប់ដៃរូបនេះមានបងប្អូន៤នាក់គឺប្រុស២ និងស្រី២។ រូបគេគឺជាបងទី១ ចំណែកប្អូនទី២ ឈ្មោះ ភឿន សំបូរ ប្អូនទី៣ ភឿន វណ្ណលាន និងប្អូនទី៤ ភឿន វណ្ណស៊ីង។

សម្បត្តិ (រូបភាពហ្វេសបុក ពេជ្រ សុផាន់)

សម្បត្តិ មានឪពុកឈ្មោះ វង ម៉ិល មុខរបរជាមេការសំណង និងម្ដាយឈ្មោះ អូន សុខឃីម មុខរបរជាកសិករ។ រូបគេមានប្អូនប្រុសហ្វឹកហាត់ និងចាប់អាជីពប្រដាល់ម្នាក់ផងដែរគឺ ភឿន វណ្ណស៊ីង ឬហៅថា ផាន់ ស៊ីងហាក់។ យុវជនវ័យ ២១ឆ្នាំរូបនេះបានសិក្សាត្រឹមថ្នាក់ទី៧ ប៉ុណ្ណោះនៅអនុវិទ្យាល័យ ២៤កញ្ញា ឯស្រុកកំណើត។

រូបភាពលើផេក TOWN Sport

កូនអ្នកកំពង់ស្ពឺរូបនេះចូលហាត់ប្រដាល់គុនខ្មែរដំបូងនៅឆ្នាំ២០១៩ ប៉ុន្តែហាត់បានមួយរយៈពេលប៉ុណ្ណោះក៏សម្រេចចិត្តឈប់ និងវិលត្រលប់ទៅធ្វើការងារផ្សេងវិញ។ ប៉ុន្តែដោយចិត្តស្រឡាញ់ពីតូច និងប្រាក់កម្រៃផងនោះ ធ្វើឲ្យរូបគេសម្រេចចិត្តសុំលោក ពេជ្រ សុផាន់ ចូលហ្វឹកហាត់ដើម្បីឡើងប្រកួតវិញនៅឆ្នាំ ២០២១ រហូតមកដល់សព្វថ្ងៃ៕