មួយជាតិការម្ដង Son Yejin ពួយគ្រងរ៉ូបកូនក្រមុំ សុទ្ធតែ Brand ល្បី ឯតម្លៃខ្ពស់កប់មេឃ

2022-04-01 08:23:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី៣១ ខែមីនា ឆ្នាំ២០២២ មហាជនទូទាំងពិភពលោកបានសម្ដែងការសាទរនឹងមង្គលការរបស់ Hyun Bin និង Son Yejin។ ពិភពអ៊ីនធើណិតស្ទើរតែគាំងទៅហើយ ពេលគូស្វាមីភរិយាមួយគូនេះប្រកាសរៀបការជាមួយគ្នាកាលពីដើមឆ្នាំ ហើយទីបំផុតពេលវេលាដែលពួកគេរង់ចាំក៏បានប្រព្រឹត្តិទៅយ៉ាងរលូន។

គូស្នេហ៍កំពូលតារាកូរ៉េនេះ បានរៀបចំពិធីមង្គលជ័យបែបលក្ខណៈឯកជន ដោយមានការចូលរួមពីសំណាក់សាច់ញាតិគ្រួសារ និងមិត្តភ័ក្តិជាច្រើនក្នុងនោះភាគច្រើនជាតារាៗរួមអាជីព។

ងាកមកដឹងព័ត៌មានលម្អិតមួយចំនួនពីពិធីវិញ ក្រោយក្រុមហ៊ុន VAST Entertainment បង្ហាញរូបភាពរៀបការរបស់ Son Ye Jin និង Hyun Bin ក៏មានអ្នកចាប់អារម្មណ៍ខ្លាំងដែរទៅលើឈុតកូនក្រមុំ។

រ៉ូនកូនក្រមុំរបស់ Yejin គឺជារ៉ូបរបស់ Brand Vera Wang សម្រាប់ Spring 2020 Bridal Collection។ ការរចនាដើម គឺមានផ្កានៅពីលើស្មា ប៉ុន្តែ Yejin បានដកចចេញ តែនៅតែរក្សាភាពស្រស់ស្អាតដដែល។ ផ្អែកតាមប្រភព រ៉ូបនេះលក់រាយក្នុងតម្លៃ ខ្ទង់ ៩៨០០ដុល្លារ។

ចំណែករ៉ូបមួយទៀតវិញ ក៏ចេញពី Brand ល្បីដែរគឺ Elie Saab ចេញពី Bridal Spring/ Summer 2022 Collection ស្របពេលតម្លៃវិញមិនទាន់មានការបញ្ជាក់នៅឡើយ ដោយសារម៉ូដនេះថ្មីពេក ប៉ុន្តែបើតាមអ្នករចនាក្នុងវិស័យ ប៉ាន់ស្មានថា ហោចណាស់ក៏ក្នុងតម្លៃ ៨០លានវ៉ុន (ខ្ទង់ ៦៦ ០០០ដុល្លារ) ដែរ។

ចូលដល់រ៉ូបមួយទៀត ស្ថិតក្នុងពិធីសំខាន់ដូចគ្នា ពេលបំពាក់ចិញ្ចៀន នាងបានគ្រងឈុត Spring/Summer 2022 collection ពី Mira Zwillinger Brunella Wedding Dress ឯតម្លៃវិញគឺខ្ទង់ ១១ ០០០ដុល្លារ៕