Mario Gotze សោកស្ដាយដែលបោះបង់ Liverpool ទៅលេងឲ្យ Dortmund កាលពីឆ្នាំ២០១៦

2022-04-07 13:11:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើក្លឹប PSV Eindhoven កីឡាករ Mario Gotze បាននិយាយទៅកាន់សារព័ត៌មាន Daily Mail នៅក្នុងថ្ងៃនេះដោយថា សោកស្ដាយដែលបោះបង់ឱកាសទៅលេងឲ្យក្លឹប Liverpool ដោយជ្រើសទៅលេងឲ្យក្លឹប Dortmud ទៅវិញក្រោយចាកចេញពីក្លឹប Bayern Munich នៅឆ្នាំ២០១៦។

Gotze បាននិយាយថា៖ ខ្ញុំនៅតែមានទំនាក់ទំនងជាមួយលោក Klopp ជាប់លាប់អញ្ចឹង យើងក៏បាននិយាយពីរឿងកាលពីមុនដែលខ្ញុំប៊ិះទៅលេងឲ្យ Liverpool តែមិនអាចកើតឡើងដោយសារតែការសម្រេចចិត្តរបស់ខ្ញុំ "។

ខ្សែបម្រើរូបនេះបន្តថា៖" សួរថាខ្ញុំស្ដាយអត់? វាពិបាកណាស់បើនិយាយកាលមុនហ្នឹង តែបើសួរឥឡូវនេះ ច្បាស់ណាស់ខ្ញុំស្ដាយ ខ្ញុំគួរតែមកចូលរួមជាមួយ Liverpool។ ខ្ញុំគ្រាន់តែសម្រេចចិត្តខុសមួយហ្នឹង តែខ្ញុំមិនទៅស្ដាយអីណាស់ណាទេ "។

មូលហេតុដែល Gotze ថាគេគួរទៅលេងឲ្យ Liverpool កាលនោះគឺដោយសារតែ លោក Klopp ទៅដឹកនាំទីនោះ ដោយខ្សែបម្រើរូបនេះបាននិយាយសរសើរពី Klopp យ៉ាងខ្លាំងដោយថាលោកអាចជាមិត្តផងនិងមេរបស់គេផង ដោយសារទំនាក់ទំនងបែបនេះគេជឿថាធ្វើឲ្យមានការរីកចម្រើនសមត្ថភាពរបស់កាន់តែល្អប្រសើរ ដោយសារតែគេនឹងខិតខំអស់លទ្ធភាព។

ខ្សែបម្រើរូបនេះក៏បានលើកឈ្មោះ លោក Pep ផងដែរដែលធ្លាប់ដឹកនាំគេកាលនៅ Bayern ដោយថា អ្នកចាត់ការទាំងនេះសុទ្ធតែជួយដល់គេខ្លាំងក្នុងអាជីពកីឡាករបាល់ទាត់។

សូមរំលឹកផងដែរថា Gotze ចប់កុងត្រាជាមួយទៅចូលរួម Dortmund នៅឆ្នាំ២០១៦ និងចប់កុងត្រានៅឆ្នាំ២០២០ ហើយក៏ផ្លាស់មក PSV ក្នុងលក្ខណៈ Free Agent ៕

ប្រភព៖ Goal ប្រែសម្រួល៖ ហ៊ីម រស្មី