ក្លើគេល្អណាស់លោកអើយ! G-Dragon ជូនពរថ្ងៃកំណើត Taeyang ជាមួយសារដ៏មានន័យ

2022-05-18 05:22:55
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី១៨ ខែឧសភា គឺជាថ្ងៃខួបកំណើតរបស់ Taeyang (BIGBANG) ហើយជាការអបអរ G-Dragon ក៏បានបង្ហោះវីដេអូយ៉ាងកម្រមួយនៅលើ Instagram ផ្ទាល់ខ្លួនរបស់លោក។

មេក្រុម BIGBANG រូបនេះ បានបង្ហាញឃ្លីបវីដេអូ របស់លោកជាមួយនឹង Taeyang អមជាមួយនឹង Caption៖ «សូមចម្រុងចម្រើន មិត្តយើងស្គាល់យើង ក្នុងគ្រាលំបាក យើងស្គាល់មិត្តយើង #HBDYB»។

ការបង្ហាញពេលនេះ បានធ្វើឲ្យអ្នកគាំទ្ររីករាយជាខ្លាំង ព្រោះពួកគេបានឃើញកាយវិការស្និទ្ធស្នាលថ្មីមួយទៀតរបស់ មិត្តម៉ឺនឆ្នាំមួយគូនេះ។

Taeyang ត្រូវបានគេស្គាល់ច្បាស់ថាជា មិត្តភ័ក្តិរបស់ G-Dragon តាំងពីក្មេង ហើយក៏ជាមិត្តស្និទ្ធស្នាលគ្នាបំផុតទាំងក្នុង និងក្រៅសិល្បៈ។ អ្នកទាំង ២ បានស្គាល់គ្នាដំបូងតាំងពីអាយុ ១៣ឆ្នាំ ពោលគឺតាំងពីពេលដែលពួកគេចូលជាអ្នកហ្វឹកហាត់របស់ YG។ ពេលចេញមុខជាក្រុម K-Pop (BIGBANG) Taeyang និង G-Dragon បានសហការគ្នាជាមួយនឹង សមាជិក ៣រូបទៀត (T.O.P, Daesung និង Seungri) អង្រួនវិស័យនេះខ្លាំងមិនធម្មតាឡើយ៕