គួរបន្ទោស ពូទីន ឬបន្ទោសអ្នកណា នារីអ៊ុយក្រែនម្នាក់ ធ្វើឲ្យបុរសអង់គ្លេសរត់ចោលមិត្តស្រី និងកូន២នាក់ទៅហើយ!
- 2022-05-23 03:13:57
- ចំនួនមតិ 0 | ចំនួនចែករំលែក 0
គួរបន្ទោស ពូទីន ឬបន្ទោសអ្នកណា នារីអ៊ុយក្រែនម្នាក់ ធ្វើឲ្យបុរសអង់គ្លេសរត់ចោលមិត្តស្រី និងកូន២នាក់ទៅហើយ!
ចន្លោះមិនឃើញ
បុរសជនជាតិអង់គ្លេសម្នាក់ដែលមានទំនាក់ទំនងស្នេហា១០ឆ្នាំជាមួយនឹងមិត្តស្រីរហូតដល់មានកូន២នាក់ទៅហើយ បានរត់គេចខ្លួនជាមួយជនភៀសខ្លួនអ៊ុយក្រែនជានារីវ័យក្មេងស្រស់ស្អាតម្នាក់ ក្រោយពីនាងបានមករស់នៅផ្ទះបានតែ១០ថ្ងៃប៉ុណ្ណោះ។
បុរសនោះមានឈ្មោះ Tony Garnett អាយុ 29 ឆ្នាំ ដែលជាសន្តិសុខ និងជាឪពុករបស់កូនពីរនាក់បាននិយាយថា វាជាសេចក្តីស្រលាញ់តាំងពីឃើញដំបូង បន្ទាប់ពីលោកបានជួប Sofiia Karkadym អាយុ 22 ឆ្នាំ។
ក៏ដូចគ្នាដែរ Karkadym បានប្រាប់កាសែត The Sun ថា "នៅពេលដែលខ្ញុំបានឃើញគាត់ភ្លាម ខ្ញុំនឹកគាត់" ។ នាងបន្តថា “វាលឿនណាស់ ប៉ុន្តែនេះគឺជារឿងស្នេហារបស់យើង។ ខ្ញុំដឹងថាមនុស្សនឹងគិតអាក្រក់មកលើខ្ញុំ ប៉ុន្តែវាកើតឡើង។ ខ្ញុំអាចមើលឃើញថា Tony មិនសប្បាយចិត្តប៉ុណ្ណា»។
Karkadym មានដើមកំណើតនៅទីក្រុង Lviv ភាគខាងកើតអ៊ុយក្រែន បានភៀសខ្លួនពីអ៊ុយក្រែនគេចពីសង្គ្រាមឈ្លានពានរបស់រុស្សី បានមករស់នៅជាមួយ Garnett និងមិត្តស្រីរបស់គាត់ឈ្មោះ Lorna នៅដើមខែឧសភា បន្ទាប់ពី Garnett បានជួប Karkadym នៅលើ Facebook ។
Garnett បានប្រាប់កាសែតថា "យើងសូមអភ័យទោសចំពោះការឈឺចាប់ដែលយើងបានបង្ក ប៉ុន្តែខ្ញុំបានរកឃើញទំនាក់ទំនងជាមួយ Sofiia វាដូចជាអ្វីដែលខ្ញុំមិនធ្លាប់មានពីមុនមក។ "យើងកំពុងរៀបចំផែនការជីវិតរបស់យើងជាមួយគ្នា"។
Garnett បាននិយាយថាទំនាក់ទំនងបានចាប់ផ្តើមធ្លាក់ចុះពីពេលដែល Karkadym មកស្នាក់នៅ ហើយ Lorna ចាប់ផ្តើមច្រណែនខ្លាំង។ "បរិយាកាសកាន់តែអាក្រក់ទៅៗ ហើយ Sofiia បានប្រាប់ខ្ញុំថា នាងមិនដឹងថានាងអាចបន្តរស់នៅជាមួយយើងក្រោមកាលៈទេសៈបែបនេះទៀតឬទេ!"។
ក្នុងស្ថានភាពបែបនេះ នៅទីបំផុត Garnett ត្រូវមិត្តស្រីឈ្មោះ Lorna បានបង្ខំឲ្យលោកជ្រើសរវាងនាង និងនារីជនភៀសខ្លួនអ៊ុយក្រែន។ ចុងក្រោយ លោកបានរើសយកការរួមរស់ជាមួយនារីភៀសខ្លួន។
Garnett បាននិយាយថា "យើងទាំងពីរបានរៀបចំឥវ៉ាន់ ហើយផ្លាស់ទៅផ្ទះម្តាយ និងប៉ារបស់ខ្ញុំជាមួយគ្នា"។ Garnett បានបន្តថា ពេលនេះ ពួកគេកំពុងស្វែងរកអាផាតមិនថ្មីមួយសម្រាប់នៅតែ២នាក់ជាមួយ យុវតីអ៊ុយក្រែន៕