ផ្លូវការ! FIFA ពន្លឿនថ្ងៃចាប់ផ្ដើមការប្រកួត World Cup 2022 ១ថ្ងៃមុនផែនការ

2022-08-12 11:16:07
ចំនួនមតិ 0 | ចំនួនចែករំលែក 0

ចន្លោះមិនឃើញ

FIFA បានធ្វើការសម្រេចជាផ្លូវការនៅក្នុងថ្ងៃនេះ ក្នុងការចាប់ផ្ដើមការប្រកួត World Cup 2022 នៅប្រទេសកាតា មុនមួយថ្ងៃ មុនផែនការដែលបានកំណត់។

បើតាមផែនការដែលបានកំណត់ ការប្រកួតនៃកំពូលព្រឹត្តិការណ៍ខាងលើ នឹងចាប់ផ្ដើមនៅថ្ងៃទី២១ ខែវិច្ឆិកា ឆ្នាំ២០២២ ក្នុងជំនួបបើកឆាកកម្មវិធីដំបូងគឺ ពូល A រវាងក្រុមជម្រើសជាតិសេណេហ្គាល់នឹងក្រុមជម្រើសជាតិហុល្លង់ នៅម៉ោង៥ល្ងាច (ម៉ោងកម្ពុជា) រីឯជំនួបក្រុមម្ចាស់ផ្ទះកាតា នឹងត្រូវតទល់នឹងអេក្វាឌ័រ នៅថ្ងៃដដែលនេះប៉ុន្តែនៅម៉ោង១១យប់ (ម៉ោងកម្ពុជា) ឯណោះ។

ដើម្បីឲ្យត្រូវនឹងទំនៀមទម្លាប់ World Cup នេះដោយប្រទេសជាម្ចាស់ផ្ទះ ត្រូវប្រកួតបើកឆាកក្នុងព្រឹត្តិការណ៍នេះរហូតមក ខាងសហព័ន្ធបាល់ទាត់អាមេរិកខាងត្បូង បានធ្វើការពិភាក្សាជាមួយនឹងកាតា ក៏បានដាក់សំណើស្នើសុំ FIFA ដោយជំនួបរវាង ក្រុមម្ចាស់ផ្ទះកាតានឹងក្រុមជម្រើសជាតិអេក្វាឌ័រជាជំនួបបើកឆាក ដែលនឹងធ្វើឡើងនៅថ្ងៃទី២០ ខែវិច្ឆិកា ឆ្នាំ២០២២ មុនមួយថ្ងៃនៃផែនការ។

ដូច្នេះតាមសេចក្ដីប្រកាសថ្មីនៅក្នុងថ្ងៃនេះ World Cup 2022 នឹងចាប់ផ្ដើមនៅថ្ងៃទី២០ ខែវិច្ឆិកា ដល់ថ្ងៃទី១៨ ខែធ្នូ ឆ្នាំ២០២២៕

ប្រភព៖ FIFA ប្រែសម្រួល៖ ហ៊ីម រស្មី