មានដឹងអត់! ៨០% នៃហាងដូណាត់នៅភាគខាងត្បូងរដ្ឋកាលីហ្វ័រញា សហរដ្ឋអាមេរិក មានម្ចាស់ជាជនជាតិខ្មែរ
- 2022-08-30 11:17:37
- ចំនួនមតិ 0 | ចំនួនចែករំលែក 0
មានដឹងអត់! ៨០% នៃហាងដូណាត់នៅភាគខាងត្បូងរដ្ឋកាលីហ្វ័រញា សហរដ្ឋអាមេរិក មានម្ចាស់ជាជនជាតិខ្មែរ
ចន្លោះមិនឃើញ
សារព័ត៌មានអាមេរិក CBS News ដែលបានចុះផ្សាយនៅក្នុងឆ្នាំ២០២២នេះបានឲ្យដឹងថា ប្រមាណ៨០% នៃហាងដូណាត់នៅភាគខាងត្បូងរដ្ឋកាលីហ្វ័រញា សហរដ្ឋអាមេរិក មានម្ចាស់ជាជនជាតិខ្មែរ។
គ្រួសារខ្មែរជាច្រើនដែលកាន់កាប់ហាងដូណាត់ប្រមាណ៨០% នៃតំបន់ខាងលើក្នុងប្រទេសអាមេរិកនេះ គឺជាជនភៀសខ្លួនពីប្រទេសកម្ពុជាក្នុងសម័យសង្គ្រាម ដោយភាគច្រើនពួកគេបានមកដល់ រដ្ឋកាលីហ្វ័រណា ទឹកដីអាមេរិកក្នុងកំឡុងទសវត្សឆ្នាំ១៩៧០ និងដើមទសវត្សឆ្នាំ១៩៨០។
ជនជាតិខ្មែរដែលភៀសខ្លួនមករស់នៅរដ្ឋកាលីហ្វ័រញាក្នុងជំនាន់នោះគឺមិនសូវទទួលបានជំនួយទំនុកបម្រុងប៉ុន្មានទេ ដូច្នេះពួកគេត្រូវធ្វើការដើម្បីជួយគ្រួសារ ដោយភាគច្រើនគឺបានមកធ្វើការនៅហាងដូណាត់ និងធ្វើការជាច្រើនម៉ោងរៀងរាល់ថ្ងៃ បន្ទាប់ពីធ្វើការច្រើនឆ្នាំ ពួកគេក៏មានលទ្ធភាពបើកលក់នំដូណាត់ធ្វើម្ចាស់ហាងខ្លួនឯង។ គ្រួសារខ្លះក៏បានបង្រៀនការធ្វើនំដូណាត់នេះទៅកាន់គ្រួសារខ្មែរជាជនភៀសខ្លួនដែលទើបមកដល់ ហើយក៏បានបើកហាងជាបន្តបន្ទាប់ផងដែរចាប់ពីកំឡុងឆ្នាំ១៩៨០រហូមក។
គ្រួសារខ្មែរដែលជាម្ចាស់ហាងលក់នំដូណាត់នៅតំបន់នេះបានចូលរួមចំណែកជួយពង្រីកប្រពៃណីនំដូណាត់របស់អាមេរិកនេះកាន់តែរីកចម្រើនដូចជា ដោយកាលពី៤០ឆ្នាំមុន ប្រអប់ដាក់នំដូណាត់គឺមានពណ៌សប៉ុណ្ណោះ ដែលជាប្រអប់ដាក់នំស្រាប់និងមានតម្លៃថ្លៃ លុះគ្រួសារខ្មែរដែលជាម្ចាស់ហាងមួយបានឆ្នៃក្រដាសពណ័ផ្កាឈូក ដែលក្រដាសកាត់សល់របស់រោងចក្រធ្វើជាប្រអប់ពណ៌ផ្កាឈូកដោយបត់ធ្វើដោយខ្លួនឯង និងតម្លៃទាប ដែលធ្វើឲ្យពួកគេអាចធ្វើការកាត់បន្ថយលើការចំណាយលើប្រអប់បានច្រើនរាល់ប្រអប់នីមួយៗ ដែលធ្វើឲ្យសព្វថ្ងៃនេះ ប្រអប់ដាក់នំដូណាត់ភាគច្រើនជាប្រអប់ពណ័ផ្កាឈូកទៀតផង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
