ក្ដៅៗ! ហុងលីប្រូ បានចែកផ្លូវជាមួយក្លឹបបាល់ទះក្រសួងមហាផ្ទៃហើយ!

2022-09-29 08:02:50
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករ ឡេង លាងហុង ឬហុងលីប្រូបានធ្វើការចែកផ្លូវជាមួយក្លឹបបាល់ទះក្រសួងមហាផ្ទៃហើយកាលពីពេលថ្មីៗនេះ។ នេះបើតាមការឱ្យដឹងពីលោកគ្រូ អ៊ូ សុផល ។

គ្រូបង្គោលក្លឹបក្រសួងមហាផ្ទៃរូបនេះបានអោយដឹងពីមូលហេតុនៃការចាកចេញថា ដោយសារកីឡាករជំនាញការពារ ឡេក លាងហុង មិនគោរពវិស័យរបស់ក្លឹប ពោលគឺចេញលេងបាល់ទះក្រៅផ្លូវការដែលជាគំរូមិនល្អដល់ក្មេងៗជំនាន់ក្រោយ។

តាមការបញ្ជាក់បន្ថែមពីលោកគ្រូដដែល ក្លឹបក្រសួងមហាផ្ទៃបានអោយកីឡាករមានដើមកំណើតមកពីខេត្តកណ្ដាល ហុងលីប្រូ ធ្វើកិច្ចសន្យារក្នុងការមិនចេញទៅលេងបាល់ទះក្រៅផ្លូវការ (ស៊ីលុយ) ប៉ុន្តែរូបគេមិនបានធ្វើនិងបានសម្រេចចិត្តលាឈបពីអាជីពកីឡាករតែម្ដង។

ក្រៅពី ឡេក លាងហុង ក៏មានកីឡាករផ្សេងទៀតដែរ ត្រូវបានក្លឹបព្រមានណែនាំនិងបានអោយពួកគេធ្វើកិច្ចសន្យាមិនចេញលេងបាល់ក្រៅផ្លូវការ។

លោកគ្រូ អ៊ូ សុផល បានបង្ហាញការសោកស្ដាយចំពោះការចាកចេញរបស់លាងហុងពីក្លឹបក្រសួងមហាផ្ទៃនៅពាក់កណ្ដាលទីបែបនេះ ប៉ុន្តែលោកថាធ្វើម៉េចនេះជាការសម្រេចចិត្តរបស់កូនក្រុមទៅហើយនោះ។ ក្នុងនាមជាគ្រូបង្វឹកលលោកមិនចង់អោយកូនក្រុមណាម្នាក់ឈប់ពាក់កណ្ដាលទីឡើយ គឺលោកចង់ឃើញពួកគេរីកចម្រើនជាមួយក្លឹប៕

អត្ថបទ៖ អ៊ុំ សុភក្តិ